Ka Open Trial ia ki khynnah 10 snem bad 13 snem la 6 tarik Rymphang
Shillong, K’lyngkot 29 : Ka Meghalaya Football Association (MFA) ha ka sngi Palei, kala pynbna ban plie noh la ka jong ka Academy ha Shillong kum shibynta na ka jingkut jingmut ban pynkhlain ia ka jingialehkai phutbul ha ka Jylla.
Ka MFA Academy kan pynleit jingmut ha ki “jingai jinghikai bala pynbeit ryntih, ka jingpyntbit ia ki nongialehkai bad thaw ia ka lynti na ka bynta ki nongialehkai phutbol ba dang khynnah ha Meghalaya ba kin shemphang halor ki rukom ialehkai ha Jylla bad ha ka ri” ong ka MFA ha ka kyrwoh.
Halor kane, ka MFA kan pynlong ia ka open trial ia baroh ki khynnah shynrang ba khia hapdeng u snem 2013 bad 2016 ban lah ithuh ia ka sap ialehkai phutbol bad ban pynrung ia ki hapoh ka Academy.
Ia kane ka trial yn pynlong ha ka 6 tarik Rymphang 2026 ha ka madan ka MFA ha Third Ground, Polo, ka ban sdang naduh ka por 9 baje mynstep. Ki nongialehkai kiba kwah iashimbynta, kin hap ban ai kyrteng hapoh ka por ba buh bad ki dei ban wanrah lang ia ki birth certificate ban pynthikna ia ka rta.
Kito kiba kwah ia ki jingtip ba kham bniah ki lah ban phone ha u nombor +91 9863097780 or +91 9863771858.
 ha ka sngi Palei, kala pynbna ban plie noh la ka jong ka Academy ha Shillong kum shibynta na ka jingkut jingmut ban pynkhlain ia ka jingialehkai phutbul ha ka Jylla.){kind=link}