spot_img

Pynbna ka MePDCL ban pynlip bording haduh 9 sngi ha kylleng ki jaka ka Nongbah Shillong

Date:

Share post:

Shillong, Nailur 06 : Ka Meghalaya Power Distribution Corporation Limited (MePDCL) kala pynbna ban pynlip bording haduh 9 sngi ha kylleng ki jaka ka nongbah Shillong, ka ban treikam ha ka por mynsngi.

Kane ka jingpynlip bording kan treikam naduh ka por 10 baje mynstep haduh 5 baje janmiet. Ki tarik ki ban pynlip bording ki dei 6 tarik Nailur, 7, 10,11,12,13, 14, 19 bad 21 tarik Nailur.

La pyntip ba kane ka jingpynlip bording ka dei namar ka jingshna pynbna ia u 11KV line bad jingpyndait ia u Boundary meter.

Kat kum ka jingpynbna, ha ka 6 tarik Nailur, ka jingpynlip bording kan treikam ha ki katto katne ki bynta ka shnong Malki, katto katne ki bynta ka Dhankheti bad katto katne ki bynta ha Lachumiere.

Ha ka 7 tarik Nailur, ki shnong ki ban shah ktah ki dei ka Upper & Lower New Colony, Red Hills, Bhagyakul, Upland Roads, katto katne ki bynta ka Laitumkhrah, Police Point, katto katne ki bynta ka Nongrimmaw, Garo Lane, Lum Sohra, Nongkynrih, katto katne ki bynta ka Nongrim Hills, katto katne ki bynta ka Dhankheti, Cleve Colony, Risa Colony, Lum Pyngngad, Lumsohphoh, ka surok Shillong-Jowai naduh Dhankheti haduh Firebrigade.

Ha ka 10 tarik, ki shnong ki ban shah ktah ki dei ka Upper & Lower New Colony, Red Hills, Bhagyakul, Upland Road, katto katne ki bynta ka Laitumkhrah, Police Point, katto katne ki bynta ka Nongrimmaw, katto katne ki bynta ka Garo Lane, Lum Sohra bad Nongkynrih.

Ha ka 11 tarik pat, ki shnong ki ban shah ktah ki dei ki katto katne ki bynta ka Nongshilliang, katto katne ki bynta ka Nongthymmai, katto katne ki bynta ka Madanrting bad katto katne ki bynta ka Demthring.

U CMD u pyntip ba ia tarik ba hadien yn sa nang pynbna namar ka lah ban don ka jingpynkylla.

Share post:

spot_img
spot_img

Popular

More like this
Related

Pyrshah ki 51 tylli ki Shnong ia ka Kulsi Hydro Project | Ngin ym ailad ong ka AMJPC

Nongstoin, Naitung 11 : Haduh 51 tylli ki Shnong...

Assam | Iap haduh 14 ngut na ka jingpang Japanese Encephalitis ha GMCH

Guwahati, Naitung 11: Kumba 14 ngut ki nongpang kila...

Iakynduh ka Myntri Pla Tyngka ia u Lat | Iasyllok ia ki kam ban pynroi ia ka Meghalaya

Shillong, Naitung 11 : Ka Myntri Pla Tyngka ka...