Shillong, Nailur 23: Ka Meghalaya Cricket Association hynne ka sngi saitjaiñ kala pynbna iaka kynhun kaba 15 ngut jong ki kynthei kiban mihkhmat ia ka Jylla sha ka Women’s U-19 One Day Trophy jong ka BCCI na ka bynta ka samoi 2023-24.
Ki nongialehkai kiba la shah jied ki dei kiba la ialehkai bha ha ka U-19 Girls Inter District Cricket Tournament kaba dang shu dep dang shen.
Kan don ka jingai jinghikai ban pynkhreh ia kane ka kynhun ha ka jingleit iashimbynta ha katei ka lympung, ka ban long naduh ka 25 tarik u Nailur haduh ka 3 tarik u Risaw ha Shillong bad ka jingiakhun jong ka lympung ka BCCI ha Gujarat kan sdang naduh ka 8-16 tarik u Risaw.
Ki nongialehkai bad ki Support Staff kiba shong bas ah shabar jong ka nongbah Shillong kidei ban wan mih sha katei ka Camp ha ka 24 tarik mynta u bnai bad katei ka kynhun ban leit ialehkai, kan mih ha ka 5 tarik u Risaw ban leit sha Gujarat.
Ki nongialehkai jong ka jylla Meghalaya ki kynthup ia ka Dianchidora N Sangma, Dubleen D Nengnong, Indariakor Kharwanniang, Fennysha Nongrum, Ankita Sharma, Kambesa Agitok, Abiezer Kharsyiem, Janicka R Marak, Monica Singh, Emisakani Warjri, Rikmanchi M Sangma, Jayshree Singh, Awesa G Momin, Jaylynn R Marak bad ka Natasha Rabha.
Ka Julitha Marak, Sistilin Ryntathiang, Banrikmen Lyngdoh bad ka Marme M Sangma kila shah jied kum ki ‘Standby’ bad ki Support Staff ki kynthup ia Ranjana Yadav (head coach), Marty Mustafa (assistant coach), Helyna D Sangma (trainer), Lucky Mary Marbaniang (physio) katba ia u Manager ym pat dep ban shim rai.
