Shillong, Nailur 17: Ka Meghalaya Cricket Association ka la pyllait iaka thup kyrteng jong ka kynhun U-19 Mens ban mihkhmat ïa ka jylla ha ka Vinoo Mankad Trophy bad Cooch Behar Trophy jong ka BCCI 2025-2026.
Ka Committee jong ka MCA kala lah ban sei iaki kyrteng hadien ka jingbishar bniah iaki nongïalehkai daka ba bishar bniah iaki jingïalehkai kiba la shim bynta.
U Heiyoomiki Ryngkhlem ula shah jied kum u Captain bad u Gaurav Narleng kum u Vice Captain bad u Synrapsing Riahtam kum u Coach.
Ka Vinoo Mankad Trophy kaba dei ka lympung ïalehkai kriket kaba shisngi ha kaba ka Meghalaya ka don ha ka plate group ryngkat bad kiwei pat ki Jylla Shatei Lammihngi kynthup ka Mizoram, Nagaland, Arunachal Pradesh, Manipur bad Sikkim.
Kane ka lympung kan sdang naduh ka 9 tarik Risaw bad ki jingïakhun baroh kin long ha Chandigarh ha kaba ki ar tylli ki team kiba wan hakhmat duh na ka Round Robin Stage kin poi sha ka phainal.
Ka Meghalaya kan pynkhreh iaka jingïakhun Vinoo Mankad Trophy haka 24 tarik Nailur bad kan kut ha ka 5 tarik Risaw ka ban long ha Jagiroad, Assam.
Baroh 15 ngut ki nongialehkai bad 5 ngut ki ba dang hap ap (Standby) bad ki Support Staff kin hap poi ha madan Polo, Shillong, ha ka 23 tarik Risaw bad kin leit lang sha Jagiroad nangta kin leit sha Chandigarh ha ka 6 tarik Risaw.
Ki nongialehkai ka Meghalaya ki kynthup Apandanka R Marak, Angkit Tamang, Ashish Kumar Lohar, Benedict J Makdoh, Dipayan Nandi (WK), Gaurav Narleng (VC), Gaurav Jyoti Thakuria, Grish Raj Ray, Heiyoomiki Ryngkhlem (C, WK), Krishwal Marak, Mewankitbok Kharpuri, Namewanki Pakyntein, Rudra Singh Rathore, Rimtora D Shira, Rohit Sharma.
Kiba dang hap ap (Standbys) ki kynthup Mannan Surana, Bishesh Chettri, Sameer Chaudhary, Namgrik K Sangma, Paisal Ali bad ki Support Staff ki kynthup Synrapsing Riahtam (Head Coach), Claystone C Marak (Assistant Coach), Hamboy Langbang (Physio), Prewindson Sangma (Manager)
