Shillong, Nailur 26: Ka Meghalaya Cricket Association hynne ka sngi baar, kala kala pynbna iaka kyrteng jong ki 15 ngut ki nongialehkai cricket kin leit iashimbynta ha ka jingiakob kaba la pynlong da ka BCCI iaka T20 Tournament na ka bynta ki shynrang ne ka Syed Mushtaq Ali Trophy.
Ka Meghalaya ka don haka kynhun kaba khlain kaba kynthup ia ka Hyderabad, Mumbai, Baroda, Haryana, Chhattisgarh, Mizoram bad Jammu and Kashmir.
Ka jingiakhun ka Meghalaya baroh kin long ha Jaipur kaban sdang naduh ka 16 tarik u Risaw.
Ka kynhun jong ka Meghalaya ka kynthup ia u Riboklang Hynniewta, Sylvester Mylliempdah, Arien Bonchang Sangma, Chengkam Sangma, Junjun M Sangma, Mewada Shylla, Sanvert Kurkalang, Kilco R Marak, Lerry G Sangma, Ram Gurung, Anish Charak, Akash K Choudhary, Amiangshu Sen, Rajesh Bishnoi (guest player), Nahul Verma (guest player).
Katba ki Standby Players ki kynthup ia u Lakhan Singh, Md Nafees Siddique, Adarsh Joshi, Sengpan Sangma bad u Robert R Sangma.
Ki Support staff ki kynthup ia u Goutam Shome (head coach), Moisten Ch Marak (assistant coach), Vikash Singh Chauhan (trainer), Surojit Biswas (physio), Dhruba Jyoti A Sangma (manager).
Kane ka kynhun jong ka jylla kan sdang iaka Camp kum ka jingpynkhreh ban leit iakhun ha katei ka lympung iakob ka BCCI naduh ka 5 haduh ka 12 tarik u Risaw ha Shillong bad ki Support staff ryngkat bad ki nongialehkai kiba sah shabar ka nongbah Shillong kin hap ban wan mih sha kane ka Camp ha ka 4 tarik u Risaw.
Katei ka kynhun ki nongialehkai kan mih ha ka 13 tarik u Risaw ban leit sha Rajasthan.
Ka Meghalaya kan iakhun pyrshah iaka Hyderabad ha ka 16 tarik u Risaw.
Meghalaya vs Mumbai ha ka 17 tarik u Risaw.
Meghalaya vs Mizoram ha ka 19 tarik u Risaw.
Meghalaya vs Chhattisgarh ha ka 21 tarik u Risaw.
Meghalaya vs Jammu and Kashmir ha ka 23 tarik u Risaw.
Meghalaya vs Haryana, ha ka 25 tarik u Risaw bad ha ka 27 tarik u Risaw kan iakhun pyrshah iaka Baroda.
