Shillong, K’Lyngkot 19: Ka Meghalaya Cricket Association’ Senior Women’s Selection Committtee kala jied ia ka kynhun ba 15 ngut ki thei ialehkai hynne ka sngi Nyngkong, ki ban ialehkai ha ka plate group jong ka BCCI’s Senior Women One Day Trophy 2025-26, kaban sa long ha u bnai ban wan.
Ia kane ka kynhun yn ialam da ka ka Debasmita Dutta kum ka capten bad ka Monica Lyngdoh Phawa kum ka vice captain.
Baroh ki jingialehkai jong ka Meghalaya kin long ha Bhubaneswar bad ha Cuttack. Ka Meghalaya kan ïakhun nyngkong ïa ka Sikkim ha ka 6 tarik Rymphang bad kiwei pat ki jylla kiba don ha ka plate group ki long ka Bihar, Manipur, Mizoram bad Nagaland.
Ka jingpynkhreh ïa ki jingïakhun kan sdang ha ka 25 tarik Kyllalyngkot bad kan pynkut ha ka 2 tarik Rymphang ha madan kriket RBDCA ha Pahamsning, Nongkhrah, Ri-Bhoi.
Ki nongïalehkai bad ki Staff na Khasi-Jaiñtia Hills ki dei ban leit sha madan Polo ha ka 24 tarik Kyllalyngkot ha ka por 2:30 baje janmiet na ka bynta ban leit sha Nongkhrah, katba ki nongïalehkai na Garo Hills kin wan beit beit ha katei ka jaka.
Ka kynhun jong Meghalaya kan hiar sha Odisha beit na Nongkhrah ha ka 3 tarik Rymphang.
Ka kynhun ïalehkai jong ka Meghalaya ka kynthup ia ka Debasmita Dutta (C), Suriti Kumari Ray, Monica Lyngdoh Phawa (VC, WK), Ankita Sharma, Riticia Nongbet, Ruby Chettri, Solina Jaba, Luiza Tamang, Ritreki Pohshna, Ajima Sangma, Daiaka E Warjri, Janika Marak (WK), Sara D Kharbani, Cheanchi A Sangma, Monica Singh.
Ki Standbys pat ki dei ka Indariakor Kharwanniang, Mansi Anand, Rebeldalis Syiemlieh, Dubleen D Nengnong, Fennysha Nongrum katba ki Support Staff ki kynthup Mackie D Blah (head coach), Eugene K Kharsyntiew (assistant coach), Mary Balahun Sawkmie (physio), Darishesha Mawroh (trainer), Robert Z Ralte (manager).
