Shillong Nailur 26: U Secretary jong ka Khasi Hills Autonomous District Council (KHADC) ula pyntip ba ka elekshon ban jied ia u Chief Executive Member (CEM) bathymmai jong ka KHADC kan long ha ka 30 tarik u Nailur.
Kane ka elekshon kan sdang ha ka por 11 baje mynstep ha ka iingdorbar jong ka Council..
Ia kane ka elekshon la pynlong hadien ba u Bah Shemborlang Rynjah ula hiar shuki noh kum u CEM ka KHADC.
Ka VPP kaba don ia ka jingbun paid ha KHADC kala rai ban pynieng da u MDC ka Nongthymmai Bah Winston Tony Lyngdoh kum u kyrtong ha ka elekshon CEM.
Ka kynhun Liang pyrshah kam pat shim satia ia kano kano ka rai la kan pynieng ne kan ym pynieng kyrtong na ka bynta ka eelskhon CEM.
Ka VPP kala pynbna ruh ia u MDC ka Jaiaw Denzil Raynard Chen ba un shimti kum u Executive Member ba thymmai hapoh ka EC ka ban sa thaw hadien ka elekshon.
Ha ka shithi iehnohkam bala phah sha u Chairman ka KHADC Bah Strong Pillar Kharjana, u CEM ban leit noh Bah Shemborlang Rynjah ula pyntip ia ka jingbym don ia ka met ba koit ba khiah kum kadaw ha lyndet ka jingiehnohkam jong u kum u CEM.
 ula pyntip ba ka elekshon ban jied ia u Chief Executive Member (CEM) bathymmai jong ka KHADC kan long ha ka 30 tarik u Nailur.){kind=link}