Shillong, Naiwieng 01: Ka Hynniewtrep Achik National Movement (HANM) kala rai ban leit pynlong biang ia ka jingiakhih sha Delhi ban pynbor ia ka Sorkar Pdeng ba kan pyntreikam noh ia ka ILP ha Meghalaya nalor ban pynrung ia ka ktien Khasi bad Garo ha ka khyrnit ba phra jong ka Riti Synshar ka Ri.
Ia kane la pyntip da u President ka HANM u Bah Lamphrang Kharbani haba iathuh ba kane ka jingleit iakhih kan long ha ka 25 tarik u bnai Rymphang.
U Bah Lamphrang u la iathuh baka HANM kala ioh jingbit na ki Pulit jong ka Nongbah Delhi ba kin pynlong biang ia ka jingiakhih daka shong kyllain mumgor ha Jantar Mantar.
U Bah Lamphrang u la iathuh baka HANM kala pan jingbit ban pynlong jingiakhih shwa u bnai Rymphang 2025 hynrei namar ka ilekshon la hap ban rah syndon shaka 25 tarik Rymphang.
“Lyngba kane ka jingiakhih ka seng ka don ka jingkyrmen ba ka Sorkar Pdeng kan sngap ia kane ka jingdawa ban ai iaka ILP bad kumjuh ban ai jingithuh iaka ktien Khasi bad Garo” ong u Bah Lamphrang.
U Bah Lamphrang u la iathuh ba haka jingwan ka HANM sha Delhi dang shen, kala ioh kynduh ia u Rakhesh Sinha, MP Rajya Sabha bad u heh ka BJP ba peit ia ka North East bad ha ka jingiakynduh kila ai daka dorkhas ban ai sha ka President ka Ri India bad sha u Myntri Rangbah Duh ka Ri.
“Ha ka jingiakren u MP u la ai ka jingkular ba un sa kren ia kine ki mat hapoh ka Committee bad u la kular ban sa wan sha Meghalaya ban iakren kham bniah halor kine ar tylli ki mat jingdawa” u la ong.
 kala rai ban leit pynlong biang ia ka jingiakhih sha Delhi ban pynbor ia ka Sorkar Pdeng ba kan pyntreikam noh ia ka ILP ha Meghalaya nalor ban pynrung ia ka ktien Khasi bad Garo ha ka khyrnit ba phra jong ka Riti Synshar ka Ri.){kind=link}