spot_img

Pynbna ka DC ka EKH ia ki prokram bapher bapher ban rakhe ID Day

Date:

Share post:

Shillong, Nailar 11: Ka ophis Deputy Commissioner (DC) ka East Khasi Hills hynne ka sngi kala pynbna ban pynlong iaki prokram bapher bapher kum shibynta ban rakhe iaka jingdap 77 snem ka jingioh laitluid ka ri India.

Ia kine ki prokram la pynbna naka bynta ban pynthikna ba ki paidbah kin ioh rakhe iaka sngi laitluid ka ri India daka jingkmen bad ka jingsngew trai.

Ka Anjalee Cinema Hall kan pyni Phlim ei iaki paidbah naduh 10 baje mynstep haka 15 tarik mynta u bnai bad kane kadei naka bynta ban ailad iaki paidbah ban lehkmen ha kane ka sngi daka ba peit iaki phlim ba ki sngewtynnad.

Ha kane ka sngi rakhe iaka jingioh laitluid ka ri India, ki jaka shangkai pyngad kum ka Ward’s Lake and Phan Nonglait Park kin plie khlem da donkam ban shim pisa bai rung na ki paidbah ban ailad iaki paidbah ban ioh shongkai jah thait.

Kumba ju leh ha u snem ba la dep, ki bor district kila pynbna ban pynim biang iaka ‘Har Ghar Tiranga’ haka ba baroh ki nongshong shnong kin pynher iaka lama India ha man la ki thliew ïing naduh 13 tarik haduh 15 tarik mynta u bnai kum ka jingsngew sarong iaka ri bad ia kito kiba la ialeh ban ioh ka jinglaitluid.

Ka ophis Deputy Commissioner ka pynpaw ba ka jingsngew kmen ba ha kane ka kynti ban rakhe iaka sngi ioh laitluid ka ri India ki paidbah ruh kin rakhe daka jingkmen bad daka jingkynmaw burom ia kito kiba la len ialade naka bynta ban pynioh laitluid iala ka ri.
Ym tang ki bor district hynrei ki paidbah jong ka East Khasi Hills ruh ki pynpaw ka jingsngew kmen ban ioh rakhe iaka sngi ioh laitluid ka ri India.

Share post:

spot_img
spot_img

Popular

More like this
Related

Dawa ka JJACBI ia ka Sorkar ban phah mardor ia ki Pulit SF-10 sha Lapangap

Shillong, Jylliew 27: Ka Jaintia Joint Action Committee Border...

Pynkhreh ka Sorkar ban tei “Experiential Resort’ ha Mawmluh bad Rain Museum ha Mawsynram

Shillong, Jylliew 27 : Ka Sorkar Jylla kala pynkhreh...

Assam-Meghalaya to sign MoU by August 15; five villages to return to Meghalaya

Shillong, June 27: The Meghalaya government on Friday announced...

Phah tuklar ka HBDRF ha u CM halor ka jingiakynad pud ka Assam-Meghalaya ha Lapangap

Shillong, Jylliew 29 : Ka Hynñiewtrep Border Disputes Redressal...