Imphal, Nailar 07 : Ka Synjuk ba khlain bor duh ha Manipur ka Coordination Committee on Manipur Integrity (COCOMI) kala pynbna ban ‘boycott’ khlem pud ne sangeh iatreilang bad kino kino ki kam ne sienjam bala shim da ka Sorkar Jylla ban tem ia ka jingiakynad pher jaidbynriew ha ka Jylla.
Ka COCOMI kala khot ia baroh ki nongshongshnong ka Jylla ba kin kyrshan ia kane ka ‘boycott’ bad ban nym ai jingiarap lane iatreilang bad kino kino ki sienjam bala shim da ka Sorkar.
“Haduh 5 tylli ki rai la shim ha ka sngi jong ka Rally hynrei ka Sorkar kam shym la lah ban pyntreikam lane sdang ban leh ia kine ki rai…namar kata, ka COCOMI kala khot ia ka ‘boycott’ ba khlem pud pyrshah ia ka Jylla namar ka jingbym khein snep jong ka Sorkar ia ki paidbah” ong u Jeetendra Ningomba, Coordinator ka COCOMI.
Kawei na kine ki rai ka long ba ka Sorkar Manipur kan khot noh ia ka Dorbar ba kyrpang jong ka Iingdorbar Thaw Ain hapoh ka 5 tarik Nailar, kaba ka Sorkar kam shym la pynurlong satia.
“Ngi kynti ia baroh ban nym ai ka jingiatreilang bad ki bor Sorkar bad ban nym leit iashimbynta ruh ha kino kino ki prokram ka Sorkar” bynrap u Ningomba.
Pule lang ia kane: Tripura: Dawa ka CPI (M) bad Congress ban leh tyngeh ia kiba thombor ia ka Khynnah Klas 10
Peit lang ia kane
