Pynbna ka BJP ban iakhih ha Jylla ba kynnoh shah thombor ki Nongialam bad Nongtrei party

Date:

Share post:

Shillong, Naitung 27 : Ka Bharatiya Janata Party (BJP) hynne ka sngi balang, kala pynbna ia ka jingiakhih ba jai jai ha baroh kawei ka Jylla ban pynpaw ia ka jingpyrshah halor ka jingkynnoh shah thombor ki Nongialam bad ki Nongtrei jong ka Party ha kiwei pat ki seng sain pyrthei (Political Oppression).

Kane ka rai ka dei kaba la shim da ka jingialang jong ka State Executive Committee hadien ka jingshah set jong u General Secretary ka BJP Tura District Wilver M Danggo ha Ophis u Superintendent of Police hadien ka jingkem ia u Vice President ka BJP-Meghalaya bad MDC ka Tura Bernard N Marak na Uttar Pradesh, ba iadei bad ka kam khaii met bala kyndang da ki Pulit na ka farm hong u ha Edenbari.

Haba iakren bad ki nongthoh khubor, u President ka BJP-Meghalaya Bah Ernest Mawrie ula iathuh ba u Officer incharge ka Tura Police Station ula khot hajir ia u Danggo khlem da ai notice lypa bad kylli jingkylli ia u haduh palat hynriew kynta.

“Hadien kane, ki Pulit kila khot ruh ia baroh ki Nongtrei ka Party ban shim jingthoh (statement) ia kaba ngim lah satia ban tip ia ka daw” ula ong.

“Namar kane, ka jingialang jong ka State Executive Committee hynne ka sngi kala rai ban pynlong da ka jingiakhih ba jai jai ha Shillong bad Tura pyrshah ia ki jingthombor ki Pulit pyrshah ia u Danggo bad ia ki Nongtrei ka BJP ha West Garo Hills” ula bynrap.

Haba pynpaw ba u Superintendent of Police ula bthah ruh ia u Danggo ban leit mih sha Police Station manla ka sngi, u bah Ernest ula ong ba kane ka jingpynibor jong ki Pulit ka dei tang ka jingpyrshang ban pynduh mynsiem ia ki nongtrei ka party hynrei “Ngin ym riej satia na kum kine ki jingleh”.

U Executive Member ka BJP-Meghalaya u Pawan Sharma ula ong ba ka jingialang da kawei ka sur kala pynrem ia ki jingleh jong u SP Vivekanand Singh Rathore halor ka jingset beain ia u Danggo hapoh ka Ophis u SP.

U ong ba ki Nongialam ka Party ki kyntu ia ka tnad Pulit ban pynthikna ia ka jingshngain jong baroh ki Nongtrei jong ka Party ha Ri-lum Garo kiba la shah kput mynta ha kiwei pat ki seng sain pyrthei ban lah pyntroin ia ka party.

Ki Nongialam ka BJP kila dawa ruh ban pynthikna ia ka jingshngain ka jingim jong u Vice President ka Party u Bernard N Marak.

Ha kajuh ka por, ka BJP kala ban jur ia ka jingdawa ban tohkit CBI halor ka jyrsieh Saubhagya scheme bad ka jingkynnoh khaii beain ia u dewiong.

Share post:

spot_img

Popular

More like this
Related

Hukum ka Iingkashari ia ka Sorkar ban bud ia ki kyndon ban wanrah jingkhuid ha pung Umiam

Shillong, Rymphang 24 : Ka Iingkashari Meghalaya High Court...

Govt to issue notification on age limits for jobs soon

SHILLONG, FEB 26: Chief Minister Conrad K Sangma on...

Shen yn pynmih jingpynbna ka Sorkar halor u pud rta ioh kam

Shillong, Rymphang 26 : U Myntri Rangbah ka Jylla...

Yn pynlong jingiakhih ki ar seng namar ka jingslem ban pynmih ia ka resol DSC

Nongpoh, Rymphang 26: Ka Ri Bhoi People’s Council (RBPC)...