Shillong, Nongpoh, Nailar 16: K Bethany Hospital bad kumjuh ruh ka Woodland Hospital, Shillong, kila rai ban khang ia ka Out Door Patience (OPD) kum ka dak ban iasnohkti lang bad ki Doktor ha kylleng ka Ri India, ban pynrem ia ka jingshah leh beijot bad shah pyniap kawei ka doktor ha RG Kar Medical College, Kolkata.
Kine ki hospital kin khang ia ki OPD lashai ka 17 tarik u Nailar.
Ka Bethany Hospital Nongpoh ruh kala iasnohkti lang ban pynrem jur ia kane ka jingjia ha Kolkata bad kala dawa ba ka Sorkar ka dei ban kem bad pynshitom jur ia ki runar kiba donkti ban leh ia katei ka kam pyntriem.
Kum ka jingpynpaw ia ka mynsiem jong ka jingsngewlem, ki Doctor, ki Nurse, ki nongtrei bad ki bor pyniaid ka Bethany Hospital Nongpoh hynne ka janmiet sngi Thohdieng, ki la pynlong ruh da ka jingthang mombati kum ka jingngewlem ia katei ka Doctor bad ia kiba haing hasem kiba la mad ia kane ka jingjia kaba sngewsih.
U Dr. C.M Pohshna lem bad kiwei ki doctor, ki la pynpaw ruh ba ki ia snoh kti lang ban pynpaw ia ka jingpyrshah halor kane ka jingshah pyniap ka Doctor kumba la iakhih da ki Doctor ha kylleng ka ri India.
Kum ka jingiasnoh kti lang halor kane ka jingshah pyniap kane ka doctor ha Kolkata, na ka liang ki bor pyniaid ia ka Bethany Hospital Nongpoh ki la pynbna paidbah bah ruh ba kin khang ia ka jingsumar ia kiba wan nabar (OPD) lashai ka sngi.
