Shillong, Naitung 26: Ka Dorbar Synrai jong ka iing dorbar thawain ka jylla Meghalaya kan sdang naduh ka 23 tarik Nailar haduh ka 30 tarik Nailar.
Ia kane la pyntip da u Lamphang ka Iingdor Thaw Ain Thomas Sangma hadien ba la wai ka jingialang jong ka Business Advisory Committee (BAC).
Ha kane ka jingialang, la iadon lang ki nongialam ka Liang Pyrshah kiba kynthup ia u Bah Ronnie V Lyngdoh bad u Bah Charles Pyngrope bad naka liang ka Sorkar ba kynthup u Symbud Myntri Rangbah ka jylla bah Prestone Tynsong bad u Bah Lahkmen Rymbui.
“La pdiang da kawei ka sur ia ka draft calendar kaba la tyrwa bad ka dorbar jong ka aiom synrai ka Iingdorbar Thawain ka jylla Meghalaya kan long naduh ka 23 haduh ka 30 tarik u Nailar” ong u Thomas.
U Lamphang ula pyntip ba kane ka dorbar kan leh san (5) sngi.
