Shillong, Nailar 15: Ka All Meghalaya Karate-Do Association (AMKA) kan pynlong iaka karate championship naka bynta ki khynnah skul naduh 17 haduh 19 tarik Nailar 2023.
Iaka 29th Inter School bad 11th Inter College Karate Tournament 2023 yn pynlong hapoh ka Multipurpose Hall jong ka Sport Authority of India’s Shillong Training Centre kaba don ha NEHU.
Ia kane ka jingiakhun karate yn sdang naduh 11 baje mynstep haka jingdon lang u Myntri ka tnat Sports and Youth Affairs ka sorkar jylla bah Shakliar Warjri ryngkat u Working President ka Meghalaya State Olympic Association bah John F Kharshiing.
Kumba 500 ngut ki karatekas na kumba 70 tylli ki skul bad 6 tylli colleges kin wan shim bynta ha kane ka jingiakhun ka ban neh lai sngi bad kane ka khambun iaki 300 ngut kiba shim bynta ha u snem 2022.
Ha u snem 2022, ki skul kiba rah iaka nam lahduh ki kynthup ka OM Roy Memorial Secondary School (inter school, girls), St Anthony’s LP School (inter school, boys) bad ka Shillong College (college category).
Ka 29th Inter School bad 11th Inter College Karate Tournament 2023 kan plie lad iaki khynnah bad samla ban pyni iala ki sap kum haka Kumite (sparring) bad ka Kata (form demonstration) khnang ba kin nang lah ban pyntbit ialade ban iakhun sa haki jingiakhun National bad International ban wanrah but ok iaka jylla bad iaka ri.
Pule ruh: Pyninam ka Tnad Arts and Culture ia ki Shnong Garo hapoh ka District Museum
 kan pynlong iaka karate championship naka bynta ki khynnah skul naduh 17 haduh 19 tarik Nailar 2023.){kind=link}