Shillong, K’lyngkot 06 : Ka All India Trinamool Congress (AITC) kala pynbna ia ka thup kyrteng ba nyngkong jong ki 51 ngut ki kyrtong ki ban mih aireng ha ka elekshon MLA-2023 ha Jylla bad u Nongialam ka Legislature Party Dr Mukul Sangma un mih aireng na artylli ki Constituency.
Kat kum ka thup kyrteng bala pyllait da ka AITC, u Myntri Rangbah barim ka Jylla Dr Mukul Sangma un mih iakhun na Songsak kaba u mihkhmat mynta kum u MLA bad na Trikikilla Constituency.
U President ka AITC-Meghalaya Bah Charles Pynrope un mih ban iakhun ha kaban pynneh ia ka shuki MLA ba u bat na Nongthymmai Constituency kaba u mihkhmat mynta.
Napdeng ki 12 ngut ki MLA ka Congress ba leit pyniasoh sha ka AITC, U MLA ka AITC na Sutnga ma Shitlang Pale, u MLA ka Mendipathar Marthon Sangma bad u MLA ka Trikikilla Jimmy D Sangma, ki khlem paw kyrteng satia ha ka thup ba nyngkong jong ki kyrtong ki ban mih iakhun ia ka elekshon ban wan lait noh u Bah Himalaya Shangpliang uba la leit iasoh sha ka BJP.
Na ki khubor ba ioh lum la ioh jingtip ba u Marthon Sangma bad u Jimmy D Sangma ki lah ban pyniasoh noh sha ka National People’s Party (NPP) bad ban mih iakhun ia ka elekshon 2023 na kane ka Party.
Haduh 9 ngut ki MLA ba mynta kila mih kyrteng ha kane ka thup bad kine ki dei u Dr Mukul Sangma (Songsak/Trikikilla), Bah Charles Pyngrope (Nongthymmai), Bah George B Lyngdoh uba dei u Chief Whip ka Liang Pyrshah (Umroi), u SG Estamur Mominin (Phulbari), Zenith Sangma (Rangsakona), Miani D Shira (Ampati), Dikkanchi D Shira (Mahendraganj), Winnerson D Sangma ( Salmanpara), bad u Lazarus M Sangma (Chokpot).
Kane ka thup kyrteng ki kyrtong ka kynthup ruh haduh 7 ngut ki MDC ba kynthup ia uwei jong ka JHADC bad 6 ngut jong ka GHADC. U MDC ka JHADC u dei u Bah Andrew Shullai (Jowai) katba na GHADC ki kynthup ia u Cherak Watre Momin (Kharkutta), Pardinand D Shira ( Mendipathar), Rinaldo K Sangma ( Resubelpara), Alphonsush R Marak (Williamnagar), Agassi R Marak ( Selsella) bad ka Sadhiarani M Sangma ( Gambegre).
Ka AITC ha kane ka kynti kala pynbna haduh 5 ngut ki kyrtong kynthei bad kine ki dei ka Dr Saralin Dorphang ( Mawhati), Elgiva Gweneth Rynjah ( North Shillong), Miani D Shira ( Ampati), Dikkanchi D Shira ( Mahendraganj) bad ka Sadhiarani M Sangma (Gambegre).
Na Ri-lum Jaintia kaba don 7 Constituency, ka AITC kala pynbna ha kane ka thup ba nyngkong tang 4 ngut ki kyrtong bad kine ki dei u Bah Andrew Shullai (Jowai), Lasting Suchiang ( Mookaiaw), Sunida Bareh ( Khliehriat) bad Alban K Gashnga ( Amlarem).
Na Ri-Bhoi District kaba don 5 constituency, ka AITC kala pynbna ia 4 ngut bad kine ki dei u Bah George B Lyngdoh (Umroi), ka Dr Saralin Dorphang ( Mawhati), Sunmoon D Marak (Jirang) bad Gilbert Nongrum (Umsning).
Ki kyrtong kiba pynbna na East Khasi Hills ki long- Banshanlang Lawai ( Mawryngkneng), Samborlang Diengdoh ( Pynthorumkhrah), Elgiva Gweneth Rynjah ( North Shillong), Iwan Maria ( West Shillong), Ian A Lyngdoh Nongkynrih ( South Shillong), Gilbert Guidingstar Laloo (Mylliem), Charles Pyngrope (Nongthymmai), Joanes Lamare ( Nongkrem), Stodingstar Thabah ( Sohiong), Mawkordor Rynjah ( Mawphlang), Vincent T Sangma (Mawsynram), Playness Khiewtam (Shella), Edmund Khongngai ( Pynursla), Harold Firming Khongsit ( Sohra), bad Dondor Marbaniang ( Mawkynrew).
Na West Khasi Hills bad South West Khasi Hills, ki kyrtong ki kynthup ia u Bah Macmillan Kharbani ( Nongstoin), Fernandez S Dkhar ( Rambrai-Jyrngam), Justine G Momin (Mawshynrut), Savio Phrangsngi Dkhar ( Ranikor) bad bah Sounder S Cajee ( Mawkyrwat).
Na Ri-lum Garo, ki kyrtong nalor ki MLA bad MDC ki kynthup ia u Tengrak R Marak (Bajengdoba), Sengnam M Marak (Rongjeng), Dr Prabir D Sangma ( Raksamgre), Dr Mohammed Mizanur Rahamankazi ( Rajabala), Rupa M Marak ( Dadengre), Rupert M Sangma ( North Tura), Richard Mrong Marak ( South Tura), Sengkal A Sangma (Dalu), Dr Rajesh M Marak ( Rongra-Siju), bad Dr Saljangringrang R Marak ( Baghmara).
