Shillong, Iaiong 16: Namar ka ilekshon MP Lok Sabha 2024 bad hadien bala bishar bniah ba ka thain Polo ka jur ka jingiaid ki kali ba wan buh iaki EVM hadien ka sngi thep, ka ophis Superintendent of Police (SP) East Khasi Hills kala pynbeit iaka rukom iaid kali ka ban sdang naduh ka 5:30 baje janmiet ka 19 tarik Iaiong.
Ym shah ban rung na Mawroh Tri-Junction sha Golf Tri-Junction bad ki kali ki dei ban iaid shaka thain FCI -Lawmali-Polo.
Ym shah ban rung na lad Tiara Restaurant sha Golf Tri-Junction bad ki kali kidei ban iaid sha Pynthorumkhrah.
Ym shah ban rung na Golf Club sha Polo, ki kali ki dei ban iaid sha Golf Tri-Junction- Mawroh/Shyiap.
Ym shah ban rung na lad Lumjingshai sha CRPF hynrei ki kali ki dei ban iaid sha Lawmali-Polo.
Ym shah ban rung na lad Lumjingshai sha Forest Colony hynrei ki kali ki dei ban iaid sha Lawmali-Polo.
Ym shah ban rung na 4th Furlong sha Polo Point hynrei ki kali kidei ban iaid sha lad iing u Chief Secretary.
Ym shah ban khun sha kamon na Polo Point iaki kali ba wan na lad Lawmali hynrei ki kali ki dei ban iaid sha lad Green Hills.
Ym shah ban khun sha ka mon na lad Matri Mandir iaki kali ba wan na lad Green Hills hynrei ki kali ki dei ban iaid sha 4th Furlong.
Nalor kane la kyntu ba ki kali ha heh (Heavy Motor Vehicles) kim dei ban iaid haki thain Polo naduh ka 17 haduh 19 tarik Iaiong 2024.
La kyntu iaki paidbah ban kiar ban iaid sha ki thain Polo naduh 5 baje janmiet haka 19 tarik Iaiong 2024.
La kyntu iaki paidbah ban kiar pynieng kali haka 18 bad 19 tarik Iaiong 2024 ha ki thain Polo.
 East Khasi Hills kala pynbeit iaka rukom iaid kali ka ban sdang naduh ka 5:30 baje janmiet ka 19 tarik Iaiong.){kind=link}