Shillong, Nailur 14 : Ka Meghalaya State Legal Services Authority, kala pynlong ia ka National Lok Adalat hynne ka sngi Saitjain ha baroh ki district jong ka Meghalaya hapoh ka lama jong ka National Legal Services Authority (NALSA).
Ha kane ka National Lok Adalat, la shong bishar haduh 776 tylli ki mukotduma bad 409 tylli ki jingujor kiba dang sahteng na ka bynta ban ia pynbeit noh.
Ka jingdon baroh jong ki case kiba la shim bad bishar ki long 1185 tylli ha kaba la lah ban pynbeit ia ki 292 tylli ki mukotduma kaba kot T. 1,50,43,766/- (Shi Klur Sanphew Lak, Sawphew Lai Hajar, Hynniewspah, Hynriewphew tyngka).
.){kind=link}