Shillong, Aug 12: U Subroto Bhattacharjee, u nongthoh khubor bala rangbah bha ha ka kam, uba la trei ha kane ka thain Shatei Lammihngi jong ka ri India la 45 snem, u la pynmih ia ka kot kaba thymmai kaba la ai kyrteng ka Surreal Symphony of Nature, kaba lah ban ioh mynta ha Amazon.
Ka kot ka ai ka jingtip kaba bniah bad kaba sngewtynnad shaphang ka jylla Meghalaya,, kaba pynpaw ia ki jaka ba pawnam ban leit jngoh kai bad ai jingmut shaphang ka jingthaw, jingroi jong ka jylla, bad ki briew kiba pawnam kiba la pynlong ia ka ri India ban sngew sarong. Nalor kane la thoh ruh shaphang ki tamasa kiba la rim da ki spah snem, ki khubor kiba iadei bad ka hamasaia, ki kam jyrsieh bad ki khanatang pateng.
U Bhattacharjee u don ka tynrai kaba jylliew bad ka jingshemphang ia kane ka thain namar ba u la pynlut ia ka por khynnah jong u ha Assam bad ha Meghalaya. Ka jingieit jong u ia ka thoh ka tar, ka jingleit jingwan bad ka jingiakynduh ia ki briew ka la pynlong ia u ban sngewthuh ba tang khyndiat eh ki ri India ki tip shaphang kane ka bynta kaba jylliew jong ka ri.
Hadien ba u la shong thait noh kum u Chief jong ka Bureau United News of India, u la phaikhmat sha ka jingthoh ia ki khubor na ka bynta ka Doordarshan, da kaba pynleit jingmut sha ki jaka jngohkai pyrthei jong ka Meghalaya bad kiwei kiwei ki jylla ka thain Shatei Lammihngi. Kine ki jingthoh ki la buh ia ka nongrim na ka bynta ka kot kaba thymmai jong u.
Mynta u Subroto uba la sah ha Kolkata bad bala kyntjoh ia ka rta kaba 85 snem, u ong ba ka kot jong u Surreal Symphony of Nature ka dei ka jingtrei shitom jong ka jingieit bad u wad ban iasam ia ka jingkmen jong u na ka bynta ka jylla Meghalaya bad ka thain shatei lam mihngi kaba kham heh. U ngeit skhem ba kane ka kot kan pynmih ia ka jingsngewtynnad ha kane ka thain kaba la ju iehnoh bein.
Ki jingkdew ba kongsan jong ka kot ki kynthup:
Ka Festival of the 100 Drums.
Ka Durga Temple kaba la don da kispah snem.
Ka jingiathuhkhana kaba ai mynsiem jong u riewstad ri uba la iaid da ki sngi kum u khynnah ban wad ia ka jingnang jingstad.
Ka longkmie kaba nyngkong eh na ka thain shatei lammihngi ban shakri kum ka Member of Parliament.
Ka Entomological Museum na Meghalaya ba la pyni ha kawei ka kot ba pawnam ha ka pyrthei.
U Tirot Sing Syiem, u riewieid ri uba la pyrshah ia ka jingsynshar phareng jong ka phareng ha kaba sdang jong ka spah snem kaba khatkhyndai.
Ka shnong kaba jngai bad kaba itynnad bha kaba don ha kawei ka dewlynnong um.
Ki jinglong ba kyrpang jong ka Shillong Golf Course, kawei na ki madan Golf kaba rim tam ha ri India.
Ka Surreal Symphony of Nature ka ai ïa ka jingïohi kaba riewspah, kaba bun rukom ïa ka jylla Meghalaya bad ka thmu ban pynshlur ïa ki nongpule ban wad bad lap shuh shuh shaphang kane ka thaiñ kaba itynnad.
