Nongpoh, K’lyngkot 23 : U MLA ka Jirang, u ban aireng ruh kum u kyrtong iakhun elekshon MDC Bah Sosthenes Sohtun, ha ka sngi Palei, ula pyllait paidbah ia ka kali kit nongpang kaba la aiti sha ka Rural Development Committee ka Narbong Circle ban shakri ia ki 14 tylli ki Shnong ka thain.
Ia kane ka kali la thied na ka skhim SRWP jong u MLA bad la pynbit pynbiang ia kane ka kali ba kan kit nongpang ha ka jinglut kaba kot T.13 lak.
Ki Nongshongshnong ka thain Narbong, kila pynpaw ia ka jingsngewnguh ia u MLA uba la iohi jngai ia ka jingdonkam jong ka thain-da kaba pynioh ia kane ka kali ka ban shakri ia ki pang ba shitom khamtam ia kito kiba wan na ki longiing baduk.
U Bah Sosthenes ula ong ba ka thain Narbong ka dei shisha ka thain kaba la donkam ia ka kali kit nongpang haba kyntu ia ki nongialam Shnong bad ia ki Nongkhmih ia ka kali, ba kin sumar bad pyndonkam hok ia ka na ka bynta ka jingmyntoi ki nongshongshnong ka thain.
