Shillong Naitung 16: Ki pulit hynne ka sngi Palei kila kem noh ia u Jonathan L Pachau hadien ba la wan ban aiti hi ialade hakhmat jong ki pulit ka Laitumkhrah Police Station.
U Superintendent of Police ka East Khasi Hills u Bah Vivek Syiem ula pyntip ba u Jonathan L Pachau 21 snem ka rta udei uba ka donkti ha ka Laitumkhrah PS Case No. 100/2026 u/s 3/4/11/12 POCSO Act bad Laitumkhrah PS C No. 94/2026 U/s 64(1) BNS bad hynne ka sngi ula wan ban aiti noh ialadei hakhmat jong u Officer in Charge ka Laitumkhrah PS.
U SP ula ong, ba la kem noh ia u mardor bad yn sa rah ia u sha iingkashari.
Lah ban ong, ba ka jingwan aiti une u samla kadei hadien ba ki pulit ka Meghalaya kila pynmih ia ka Look Out Notice ha ka ri baroh kawei shaphang ka jingphet rieh une u samla uba la shah kynnoh ba ula leh be-ijot bad leh kynshlein ia bun ngut ki khynnah kynthei bad kane ka khubor kadei kaba la paw pyrthei lyngba ka jingpynsaphriang ka jingkynnoh ha ka rynsan Social Media.
Ki pulit kila shimkhia ia kane ka jingjia bad kila don ruh ar ngut ki khynnah kynthei kiba la wan shakhmat ban ujor da ka ejahar pyrshah ia u Jonathan L Pachau.
