Shillong, 24 Risaw: U Symbud Myntri Rangbah ka jylla bah Prestone Tynsong hynne ka sngi ula pyllait paidbah ia ka kali kit ñiut jong ka shnong Lawjynriew lyngba ka Village Sanitation and Waste Management (VSWM) kaba la ïoh jingiarap na ka skhim Chief Minister Special Fund (CMSF) kaba shongdor T.12 lak.
Haba kren ha kane ka sngi u Bah Prestone u la ong ba ka shnong Lawjynriew kadei kawei na ki shnong kaba bun ki riewkhraw ki la mih na kane ka shnong bad ka jingpyllait ia kane ka kali ka long shi bynta ban wanrah ka jingkhuid jingsuba hapoh ki shnong ki thaw lyngba ka Sanitation Committee (SC).
U bah Prestone u la kular ban pyndep ïa ka Community Hall ba la mang hapoh ka Chief Minister Development Fund (CMDF) kaba T.15 lak bad ula kular ruh ban pyndep noh ïa ka surok kumba la pynsngew da ki nongshong shnong ka shnong Lawjynriew.
Ha kane ka sngi la don lang ruh kaka kyrtong NPP jong ka Nongthymmai konstitwensi kong Jasmine Lyngdoh, ka kyrtong Congress ka Dr. Bamida Kharkangoh, u Rangbah Shnong u Bah S.B Kharshandi, u MDC ka Nongthymmai konstitwensi u Bah Latiplang Kharkongor lem bad kiwei kiwei.
