Shillong, Naitung 27: U Myntri Rangbah ka Jylla Conrad Kongkal Sangma hynne ka sngi balang, ula pyllait paidbah ia ka Youth Engagement through Empowered Youth Organisation (YESS) Programme ban pynkupbor ia ki samla ka Jylla ha ki liang bapher bapher.
Ecstatic to launch the YESS (Youth Engagement through empowered Youth organizations) Meghalaya Program
My Govt has taken multiple initiatives to channelize the energy of youth towards maximum productivity & this program is a goal to that end@PMOIndia @ianuragthakur @dpradhanbjp pic.twitter.com/pMHjB95lFV
— Conrad Sangma (@SangmaConrad) July 27, 2022
Ia kane ka Programme ka Sorkar la pyllait paidbah ha ka jingialang bala pynlong ha Hotel Pinewood, Shillong ha ka jingiadon ryngkat u Commissioner ka Tnad Sports & Youth Affairs Dr Vijay Kumar bad ka Deputy Commissioner ka East Khasi Hills, kong Isawanda Laloo nalor ki Dkhot jong ki Seng Samla bapher bapher ka East Khasi Hills.
Haba kren ha ka jingialang, u Myntri Rangbah ula ong ba ka jingiashimbynta lang jong ka imlang sahlang lyngba ki kynhun bapher bapher la ka dei ki seng samla, ki seng longkmie ne ki Dorbar Shnong ka long kaba donkam bha bad kaba kongsan ban wanrah ia ka jingkylla.
“Ta ka daw ngi sngewthuh ba ngi donkam ban tynruh bad donkam ban kyntiew bad pyn iadon bynta lang jong kine ki kynhun bapher bapher” ula ong.
U Myntri Rangbah ula pyntip ruh ba ha kine ki khyndiat bnai bala leit, ka Sorkar kala bunkam ha kaban wad ia ka lynti kaba biang eh ban pynlong ia ki samla kiba khih ba ksar.
“Ki prokram ba pyniadonbynta ia ki samla (Youth Engagement Programme) ka dei kaba kongsan bha naba ki samla ki don ia ka bormet kaba khlain kaba dei ban pyndonkam ha ka lynti kaba dei” ula ong
“Nga ngeit ba ki samla ki dei ka spah bah jong ngi bad kumjuh ruh ka jingtynjuh kaba khraw bha bad kane ka jingtynjuh ka shong eh ha ka jingwanrah ia ki policy kiba dei bad ki skhim ki ban pynmyntoi ia ki” ula bynrap.
Ia kane ka YESS Programme la pynwandur kat kum ka State Youth Policy bala pynbna paidbah ha u snem 2021, kaba kren ia ka jingkut jingmut jong ka Sorkar Meghalaya ban pynkupbor ia ki seng samla, ki club bad ki kynhun bapher bapher kiba trei na ka bynta ban kyntiew ia ki samla.
Kat kum kane ka Prokram, ka Sorkar kala pynkha ruh ia ka corpus fund ba manla u snem n aka bynta ban ai song jingiarap da ka pisa sha ki Seng Samla bapher bapher kiba la register ialade ym ki Seng Samla, ki Club ne Association kiba shakri ban kamai pisa.
Ia ki jingtip ba bniah ban ioh ne applai ia kane ka song jingiarap lah ban ioh lyngba ka www.yessmeghalaya.in
Together we can do wonders for the future of our State. I encourage youth organizations to take advantage of the YESS Meghalaya program and apply through https://t.co/dxeBWyMJFw @PMOIndia @ianuragthakur @dpradhanbjp pic.twitter.com/jS4NxABXM3
— Conrad Sangma (@SangmaConrad) July 27, 2022
