Shillong, Nailur 29 : U Myntri Rangbah ka Jylla Conrad K Sangma hynne ka sngi palei, ula pyllait paidbah lyngba ka kor online ia ka Meghalaya School Upgradation Programme ha kaba yn kyntiew kyrdan bad pynbha haduh 50 tylli ki skul Lower Primary bad Upper Primary ha ka bynta ba nyngkong (phase-I) jong ka prokram.
Promises made & promises kept!
Virtually launched 50 Govt. Lower & Upper Primary Schools that were upgraded under Phase 1 of the Meghalaya School Infrastructure Improvement Program.
This is part of the 208 set of schools as announced earlier for upgradation @dpradhanbjp pic.twitter.com/Lodl5zloNy
— Conrad Sangma (@SangmaConrad) September 29, 2022
Kiba la iadonlang ha kane ka jingpyllait paidbah ia ka prokram ki kynthup ia u Myntri ka tnad Pule Puthi ma Lahkmen Rymbui, u Myntri ka Tnad C&RD Bah Hamletson Dohling, u Chief Secretary Bah DP Wahlang, u Principal Secretary Shakeel Ahammed bad Commissioner and Secretary ka Tnad Education BDR Tiwari.
Haba kren sha ki Khynnah skul, ki Nonghikai bad ki Ophisar na ka Tnad Pule Puthi, u Myntri Rangbah ula pynpaw ia ka jingkmen kaba khraw ban pyntreikam ia kane ka prokram ha kaban kyntiew kyrdan ia ki jingtei jong ki skul bad ong ba wat ha kane ka kynti ba mynta jong ka prokram, tang 50 tylli ki skul kin ot ribon bad kan pynmyntoi shibun bad wanrah ia ki jingkylla ba kongsan ha ka pule ka dangle.
“Ki don shibun bah ki skul kiba donkam ban kyntiew kyrdan bad namar kata ngi la iaid da ki bynta bynta bad ia kane ka prokram yn sa pyntreikam ruh sha ki skul Secondary bad Higher Secondary” ula ong.
U Myntri Rangbah ula pyntip ba sa 100 tylli bala pynbha, yn sa plie paidbah ha u bnai Naiwieng bad Kyllalyngkot. “Ngi la iaid da ka mission mode bad ka kynhun ba kynthup ia ki Deputy Commissioner, PWD bad kiwei ki Tnad kin sa iatreilang ban peitngor khnang ban lah pyndep ia ka jingkyntiew kyrdan ia ki 200 tylli ki skul bala jied nyngkong hapoh ka por bala buh”.
U Myntri Rangbah ula ong ba hadien ka jingpyndep ia kine ki jingtei, ka kyrdan jong ka Jylla ha ka pule dangle ruh kan sa kham kiew.
Haba kdew ia ka NIPUN Bharat Mission (National Initiative for Proficiency in Reading with Understanding and Numeracy, launched by the Education Ministry of India under National Education Policy 2022) bala pyllait ruh da u Myntri Rangbah ka Jylla, ula ong ba kane ka prokram kan treikam ha kaban tei ia ka sap tynrai bad kan kyntiew ia ka bor ithuh bad ka bor pyrkhat pyrdain jong ki Khynnah.
Thank the entire Education Department for doing all the hard work and for taking up the task despite the many shortcomings in the past years.
May the new infrastructure encourage students in rural areas to pursue their education and may they be a blessing to our State. pic.twitter.com/USVN5XP0vB
— Conrad Sangma (@SangmaConrad) September 29, 2022
