Shillong, Iaiong 03: Ka seng Hynniewtrep Integrated Territorial Organisation (HITO) hynne ka Lah Sngi u Blei, kala rakhe iaka lyngkhuh dap ar snem da kaba la pyllait paidbah iaka kali kit metiap kum shi bynta ban synniang iaka imlang sahlang.
Ka Nongthoh khubor ba pawkhmat ka jylla ka Kong Evanjoplin Dkhar kum ka kongsan, kala aiti ia katei ka kali kit metiap sha ki nongialam ka HITO na ka bynta ban ioh pyndonkam ha kaban ai jingshakri ia u paidbah.
Ka Kong Evanjoplin ula ai khublei iaka seng HITO halor ka jingkynjoh ar snem ka jongka ha kaban shakri ia ka imlang sahlang bad kala kitbok kitrwiang ia kane ka seng ba kan nang bteng ban ai iaka jingshakri kaba bha iaka jylla.
Kala kyrmen skhem ruh ba da ka jingdon katei ka kali khamtam kan iarap ia ki longing kiba duna ka ioh ka kot ba kin ioh ban pyndonkam ha kaban kit iala ki baieid bathoin kiba la khlad noh sha ki shnong ki thaw jongki.
U President ka HITO u Bah Donbok Dkhar ula ong, ka seng kam shym la pynlong ia ka jingrakhe mynta u snem kadei namar ba uwei u dkhot jong ka seng u don hapdeng ka jingshah sumar naka jingshah thombor, kumta ka seng kan sa pynlong ia ka jingrakhe ha u bnai ban wan iaka jingdap ar snem jong ka seng.
Ha katei ka jingrakhe kaba la pynlong ha Shillong Press Club, la iadonlang u General Secretary ka HITO u Bah Wanbun Dkhar bad ki nongialam ka HITO.
