Sngew lait ksuid ki 30 hajar tam ki samla pule
Shillong, Jymmang 29: Ka Ministry of Education, jong ka Sorkar India hynne ka Sngi Balang kala pynbna ba la pyllait iaka jylla Meghalaya bad Nagaland na ka Common Unversity Entrance Test (CUET) 2024.
Ia katei ka jingpynbna, la pynbna da u Myntri Rangbah ka jylla u Conrad K Sangma da kaba thoh ha ka X, “Nga dap da ka jingkmen ban pyntip sha ki samla pule ba ka jingshim admission ha ki College kiba la pyniasoh bad ka Central University ha Meghalaya, la pyllait noh na ka jingpyntreikam ia ka CUET na ka bynta une u snem pule uba mynta. Nga ai khublei ia u @dpradhanbjp halor ka jingbtneg ban ai jingkyrshan bad ba sngewthuh”.
Happy to inform our students that admissions to affiliated colleges to Central University’s in Meghalaya have been exempted from CUET for this academic year. I thank @dpradhanbjp ji for his continuous support and understanding. pic.twitter.com/o2iLNfhXNT
— Conrad K Sangma (@SangmaConrad) May 29, 2024
Ha ka shithi, u Gopal Kumar, Under Secretar ka Ministry of Education, ula thoh,”…Nga la ioh ia ka jing bthah ban pyntip ba ka UGC kala dep ban ai ka jingmynjur ia ka jingkyrpad jong ka sorkar Nagaland lyngba ka NTA bad la shah ia ki college ha ka jylla ban shim ia ka admission ne ban pdiang klas ha ka rukom kaba ki ju leh da kaba pyllait noh iaka jingpyntreikam ia ka CUET naka bynta u snem pule 2024-25”.
“Ka UGC kala mynjur ia katei ka rai kaba la shim da ka Tnad jong ka Sorkar Pdeng bad kala mynjur ban shah ban pdiang klas ia ki college kiba pyniasoh bad ki Central University ha ka jylla Meghalaya bad Nagaland haba ai nuksa kum ka NEHU bad Nagaland University katkum ka rukom pdiang klas ka jongki da kaba pyllait noh ia ka jingtreikam ka CUET tang na ka bynta u snem pule 2024-25”, la pynpaw ka kyrwoh na ka Ministry of Education.
