Shillong Risaw 27: Ka Rotary Club Shillong Heritage hynne ka sngi u Blei, kala pyllait paidbah ia ka kali kit metiap ha ka jingialang kaba la long ha Pinewood Hotel.
Ha kane ka jingialang la iadonlang ka Deputy Commissioner jong ka East Khasi Hills District ka Kong R.M. Kurbah, ki nongialam bad ki dkhot jong ka Rotary Club Shillong.
Ia kane ka projek la shimkhia da u President ka Rotary Club Shillong u Vikash Chokhani bad la bei tyngka da ka Kamakhyalal Bajoria Charitable Trust, kum shi bynta ban kynmaw ieid ia u Bhagwati Prasad Bajoria.
Ka Rotary Club ka kyrmen skhem ba kane ka kali kit metiap kan ai jingmyntoi ia ka imlang sahlang ha ka por kaba ki donkam bad ka Roatry Club kala ai khublei ia baroh kiba la noh synniang na ka bynta katei ka sienjam bad ngeit skhem ba kane kan wanrah ia ka jingkylla ha ka imlang sahlang.
