Shillong, Risaw 27: U Myntri ka tnad Bording u Abu Taher Mondal ula pyntip ba yn sa khmih bniah ia ka jingpyntreikam ia ka Dam Rehabilitation and Improvement Project (DRIP) ha ka Myntdu Leshka Hydro Project hadien ka elekshon MLA shiteng samoi ha Gambegre.
“Ngan sa khmih bniah ia Dam Rehabilitation and Improvement Project (DRIP) ha ka Myntdu Leshka hadien ba la dep ka elekshon shiteng samoi” ong u Mondal.
“Nga lah dep wan jurip ia ka Myntdu Leshka power project (ha u Jymmang mynta u snem) bad ha katei ka por ka kam ka lah jan dep artad” ula ong.
Ha katei ka jingleit jurip, u Mondal ula ban jur ia ka jingkongsan ban trei bniah bha ia ka project, kaba la pyntrei da ka M/S. Multi Tech Engineers.
Ula pynpaw iaka jingieng skhem ka sorkar Meghalaya ban ialeh ha ka ban pynjanai bad ban kyntiew ia ka jingpynmih ia ka bording elektrik bad ula banjur ruh ia ka jingkongsan jong ka Myntdu Leshka Hydro Project bad kajingiaid shakhmat ki kam ban pynthikna ba ka project kan long kaba iaid beit.
![Pinterest](https://pinterest.com/pin/create/button/?url=https://kashlem.com/hadien-elekshon-yn-hiar-jurip-u-myntri-ia-ka-drip-ha-myntdu-leshka/&media=https://kashlem.com/wp-content/uploads/2024/05/MixCollage-03-May-2024-01-01-PM-9139.jpg&description="Nga lah dep wan jurip ia ka Myntdu Leshka power project (ha u Jymmang mynta u snem) bad ha katei ka por ka kam ka lah jan dep artad” ula ong.){kind=link}