Pyllait ka DC ia ka skhim PES ban sumar bad pynrben ia ki khlaw ha District

Date:

Share post:

Shillong, Jylliew 29: Ka Deputy Commissioner ka East Khasi Hills kong Isawanda Laloo hynne ka sngi balang kala pyllait ia ka skhim Payment for Ecosystem Services (PES) ka ban pynshlur ia ki shnong ki thaw ba kin sumar bad pynrben ia ki khlaw hala ki jong ki pud ki sam.

Ia kane la skhim la pyllait ha ka jingialang ba long ha Conference Hall jong ka Ophis ka Deputy Commissioner, Shillong. La pynlong ia kane ka jingialang da ka Ophis ka DC ha ryngkat ka jingiatreilang bad ka Meghalaya Basin Management Agency (MBMA) bad ka District Project Management Unit (DPMU), East Khasi Hills.

Lah ban kdew hangne ba ka Payment for Ecosystem Services (PES) skhim ka dei ka ba la pyllait paidbah da u Myntri Rangbah ka Jylla Conrad Kongkal Sangma ha ka 13 tarik u Jylliew.

Kane ka skhim ka dei kaba ai jingmyntoi lyngba ka jingkyrshan pisa ba T.8000 shi hectare ha ka shi snem na ka bynta san snem.

Nalor kane, kan don ruh ka jingai khusnam ba T.5000 shi hectare shi snem sha ki jaka khlaw kiba la dep register kum ki khlaw shnong bad ka Tnad Khlaw ka Jylla bad ka song tyngka ba T.2000 shi hectare shisnem sha ki khlaw ba la ithuh kum ki law kyntang lane kiba don ia ki jingkieng jri lane ki khlaw ba i don jingma kiba don marjan bad ki jaka bala ioh jingiada kum ki National Park, Wildlife Sanctuary ne ki jaka iaid lynti ki mrad khlaw (wildlife corridor).

Lada ki khlaw ki dei ki bym pat register, ki nongapplai ki lah ban leit applai hapoh ka Tnad khlaw bad ia ka copy jong ka receipt, ki lah ban aiti haba applai ban ioh ka skhim PES.

I kong Isawanda haba ai jingkren, ila batai halor ka jingthmu jong ka PES bad ong ba ia kane ka skhim, bala pyntrei hapoh ka Community Led Landscape Management Project (CCLMP), ka dei na ka bynta ban kyrshan pura ia ki shnong ki thaw, ki seng kur bad ki riew shimet kiba kloi ban iada bad pynneh pynsah ia ki khlaw bala don lypa haduh 30 snem khnang ban lah pynrben biang ia ki khlaw ha ka District.

I kong Isawanda ila pan ia ka jingiatrei lang jong baroh ki shnong ki thaw ban lah pyntreikam thikna ia ka skhim PES hapoh ja District.

Haba pynpaw ba ka Jylla Meghalaya kaba dei ka jylla Sixth Schedule, kiba bun ki khlaw ki dei kiba long trai da ki shnong ko thaw bad ki riew shimet haba ban jur ba lyngba kane ka skhim, ki shnong ki thaw kin lah ban nang iohbor ha kaban sumar bad ai jingiada ia ki khlaw.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...