Imphal, Nailar 25: Ki bor pahara ki la ioh kurup 16 tylli ki suloi, palat 1,200 tylli ki kuli bad ki tiar pyntip ha ka por ba pynlong ia ka jingkhynra ha Manipur’s Kangpokpi district hapoh ka 24 kynta ba ladep, la iathuh ki heh ophisar.
Ia kane ka jingkhynra la pynlong ha ka shnong J Songtun da ki pulit ka Central Reserve Police Force (CRPF), ba la kyrshan da ki shipai CoBRA bad Rapid Action Force (RAF), ha ryngkat ki pulit ka Manipur.
Ki tiar kiba la ioh kurup ki kynthup ia ar tylli ki suloi 12-bore ba la shna ha ka ri bad 14 tylli kiwei pat ki suloi 12-bore kiba don ia ki serial number bad ki dak laisen jong ki nongshna suloi bapher bapher.La pynshisha ia ka jinglong trai bad ki kot ki sla jong ki.
Kane ka kynhun ïatreilang ka la ïoh ban kurup ruh haduh 1,225 tylli ki kuli 12-bore, 6 tylli ki VHF lane wireless set, lai tylli ki charger, kawei ka Golden Antler Telescope, 18 tylli ki bulletproof vest bad kawei ka pla.Ki ophisar kila iathuh ba ia ka jingkhynra la pynlong khlem kano kano ka jingpynjur ha ka main phase.
Ki bor pahara ki la pynpra ïa ka jingkhanglad lyngba kaei kaba ki heh sorkar ki la batai kum ka “jingleh ba la buh jingkheiñ”, kaba la khanglad ïa ka jinglong jingman ban nang jur shuh shuh.Ym shym la don kano kano ka jingmynsaw.
Kane ka jingkurup ka long hapdeng ka jingïakhih kaba jur bha ban pynduh noh ïa ki tiar siat bym don jingbit na ka jingpyndonkam ha Manipur, ha kaba la lute ïa ki tiar siat kiba bun na ki jaka buh tiar jong ki pulit hadien ka jingmih jong ka jingïakynad hapdeng ki ar jaitbynriew ha u bnai Jymmang 2023.
