Shillong, Lber 31: Ka Crime Investigation Department (CID) jong ka jylla kala pulom ha kaban kem biang ia u Bah Gabriel K Ïangrai, u heh pulit ka jylla uba don hapdeng ka jingshah suspon, hadien ba ula ioh mih noh na Shillong District Jail, hynne ka sngi.
Ka District and Session Court, East Khasi Hills ha ka sngi Palei, kala ai jamin ia u Bah Ïangrai ha baroh 6 tylli ki Case kiba la pynngat pyrshah ia u.
“Kila don 3 tylli ki case ha kaba ka tnad CID kala pyrshang katba lah ban kem biang ia u bad kila dep ruh ban pyniaid iaka aplikeshon ban ioh iaka Arrest Warrant na District and Session Judge,” la iathuh u P Yobin uba long u Nongiasaid aiñ jong u Bah Iangrai.
“Ngi la lah ban lah ban ïeng bad ban iakhun bad khatduh ngi la pan iaka Anticipatory Bail ha baroh 3 tylli ki case bad ka iingkashari kala ai jamin lypa (Anticipatory bail) ha baroh 3 tylli ki Case bad ka Regular case. Kumta ngi la lah ban pynioh jamin noh ia u hynnin ka miet napoh ka district jail” la ong u Yobin hynne ka sngi.
Haba u bah Iangrai ula lait na phatok, ula ud pang bad hadien kane la ialam noh ia u sha Hospital naka bynta ban ioh ia ka jingsumar.
U Yobin ula iathuh ruh ba ha baroh kitei ki 6 tylli ki case pyrshah ia u Bah Iangrai, ym shim la don kawei ruh kaban pyndep iaka chargesheet.
U Bah Iangrai ula shah kem ha ka 2 tarik u Naiwieng jong u snem ba la dep halor ka jingkynnoh b aula donkti ha kaban pyndonkam bakla iaka pisa ha kaba iadei bad ka Emergence Response System bad ka jingsam rashon bad hadien ba la dep pynlong iaka jingtohkit u Bah Iangrai ula shah kem halor ki 4 tylli ki kes kiba iadei bad ka jingpynbiang ia ki kali ha ka por COVID.
Pule lang ia kane: Tynjuh ka Iingkashari ia ka Sorkar bym tehlakam ia ki kali ba kit palat pud
“Ula ioh jamin ha ki ar tylli ki Case ha ka sngi Balang bad ar tylli ki case haka sngi Palei. Kham hashwa ula ioh jamin halor ar tylli ki Case” la iathuh u Yobin.
Haba kylli la ka don kano kano ka lad ba u Bah Iangrai yn shah kem biang, u Yobin ula ong, ba ia mynta hi yn ym lah ban kem biang ia u Bah Iangrai.
“Kino kino ki kyndon kiba la dei ban pynngat ia u, nga tharai kidei kiba la dep ban pynngat lypa ia u bad ngam iohi ruh ban dang don sa kiwei pat ki kyndon kiba yn dang pynngat shuh. Kumta ka lad ban kem biang da ki pulit ne CID kan ym lah shuh ban long ia mynta hi” la ong u Nongiasaid Aiñ jong u Bah Iangrai.
Ula ong ba ia mynta hi, kin ap shwa bad kin peit iaka Chargesheet jongka CID bad hadien kane kin sa pynkhreh ban shim ia ki lad jingiada.
U Yobin ula ong ruh ba ka tnad CID ka lah ban kob ne iakhun pyrshah iaka jingioh jamin u Bah Iangrai namar ka aiñ kaailad iaki ban leh kumtei, hynrei ula long pat uba kloi, ban iakhun naka bynta u Bah Iangrai khamtam haba ula ai iaka jingiatreilang bad ula pynthikna ruh iaka iingkashari bay n bteng ban ai iaka jingiatreilang ha ka jingtohkit.
Pule lang ia kane: Aiti ka MoRD ia ka bhah T.412 klur ban shna surok PMGSY-III ha Meghalaya
