Shillong, August 30: Ka West Garo Hills ka la phah ia ka kynhun ba 23 ngut ki nongialehkai sha ka Meghalaya State Badminton Championship kaba 39, kaban long ha SAI Multipurpose Stadium ha NEHU, Shillong.
Na kitei ki 23 ngut ki nongialehkai, u Sixbirth M. Marak ula poi sha ka Final ha ka U-13 Boys’ Singles. Nalor kane u Sixbirth M. Marak bad u Cheyziel K. Sangma kila ioh rung ruh sha ka Semi Finals ha ka Boys’ Doubles, katba u Dejak Rocco G. Momin bad u Ierang N. Sangma kila ioh rung sha ka Finals jongka U-17 Boys’ Doubles.
Kumba long mynta ha ka Meghalaya State Badminton Championship 2024, ka West Garo Hills kala thikna ia ka jingioh rung Final u Sixbirth M. Marak ha ka U-13 Boys’ Singles bad u Dejak Rocco G. Momin & Ierang N. Sangma ha ka U-17 Boys’ Doubles.
Ha ka kyrdan ki Rangbah, u Gitchiak Bregim A. Sangma yn iakhun ha ka Semi Final jongka Men’s Singles bad ha ka Men’s Doubles u Gitchiak Bregim A. Sangma bad Chirag Agarwal kila ioh rung sha ka Semi Final.
Katei ka kynhun jong ki 23 ngut ki nongialehkai kila shah jied halor ka jinglah ka jongki ban ialehkai bha ka jongki dang shen ha ka West Garo Hills District Badminton Championship ka baar, kaba la long ha Indoor Sports Hall Hawakhana, Tura, ha ka 15 haduh ka 17 tarik u Nailar.
Kitei ki nongialehkai kila kylla long kum ki nongjop bad kiba don ia ka sap ka phong ha ki kyrdan bapher ha ki lympung iakob kiba la long ha ki District.
