Tura, Nailar 07 : Ka Dorbar Synrai ka Garo Hills Autonomous District Council (GHADC) ha ka sngi Thohdieng, kala huri hura bad poi sha ka jingiashoh hapdeng ki MDC-u Nikman Ch Marak bad Alphonsus R Marak hadien ka jingiania kaba jur hapoh ka Dorbar.
Kane ka huri hura kala mih na ka jingiatai halor ka jingtyrwa amendment ia ka GHADC Rules kaba shah tang ia ki nongthep vote kiba dei ki Scheduled Tribe (ST) ba kin iashimbynta ha ka elekshon ka GHADC.
Ka amendment, kaba la khmih lynti ban wanrah bad mynjur ha ka sngi Thohdieng, la hap ban pynkynriah noh sha ka sngi Nyngkong, kaba la pynmih ia ka jingpyrshah na ki katto katne ki dkhot.
Ha ka jingiatai, u MDC Nikman Ch Marak ula pyrshah jur ia ka jingpynkynriah bad dawa ia ka amendment dei ban mynjur noh mardor ha ka jaka ban buhteng. Kane ka jingiapher jingmut kala pynmih ia ka jingiania kaba jur hapdeng ki arngut ki MDC, kaba la lam shaduh u pud ban iashoh hashuwa ba kiwei pat ki MDC kin tuklar.
La khmih lynti ba ka Iingdorbar kan sa iakren ia kane ka amendment ha ka sngi Nyngkong.
 ha ka sngi Thohdieng, kala huri hura bad poi sha ka jingiashoh hapdeng ki MDC-u Nikman Ch Marak bad Alphonsus R Marak hadien ka jingiania kaba jur hapoh ka Dorbar.){kind=link}