Shillong, Rymphang 27 : Ka Election Commission of India (ECI) ka pyntip ba ka jingpoi thep vote jong ki paid nong shongshnong ka Jylla Meghalaya ban jied ia ki 59 ngut ki MLA ba thymmai sha ka Iingdorbar Thaw Ain ka Jylla, kala kot 74.32 persen.
Kane ka jingpoi thep vote kala duna haduh 11% duna na ka jingpoi thep vote jong ki paidbah ha ka elekshon MLA-2018 ha Jylla.
Kat kum ka jingkhein bala ai da ka ECI, ka Mawthadraishan Constituency ka dei kaba mih bun tam ki nongthep vote kaba la kot haduh 90.4 %, bud sa ka Mairang kaba don markhap kaba kot haduh 90.1%.
Hynrei kaba duna tam na ka jingpoi thep vote jong ki paidbah ka dei ka South Tura Constituency kaba mihkhmat da u Myntri Rangbah ka Jylla Conrad K Sangma, kaba la poi tang 52.1%, bud sa ka North Tura kaba kot 55.5%.
