Nongstoin, Rymphang 27 : Ka West Khasi Hills kala kynjoh 78.59 % ha ka jingpoi jong ki nongthep vote, kiba la pyndep ia ka hok ban jied ia la ki jong ki Nongmihkhmat ha ki 3 tylli ki constituency jong ka District.
Kat kum ka jingkhein bala ioh na u District Election Officer (DEO), ka jingpoi thep vote ha Nongstoin constituency kala kot 73.26%, ka Rambrai Jyrngam kala kot 74.42% bad ka Mawshynrut kala kot 88.2 %.
Ha Eastern West Khasi Hills, ka jingpoi thep vote jong ki nongthep vote kala kynjoh haduh 90.25% ha baroh artylli ki constituency ba kynthup ia ka Mairang bad ka Mawthadraishan.
Ha Mairang constituency, kiba thep vote kila kot 90.4% katba ha Mawthadraishan kila kot 90.1%.
Ha South West Khasi Hills, ka jingpoi jong ki nongthep vote ka la kot 86.38% ha baroh artylli ki constituency ba kynthup ia ka Ranikor bad ka Mawkyrwat constituency.
Ka Mawkyrwat kala kot haduh 86.13% katba ka Ranikor kala kot 86.62
