Shillong Rymphang 10: U Myntri Rangbah ka jylla u Conrad K Sangma ha ka sngi Thohdieng ula plie paidbah iaka Microbrewery kaba nyngkong eh kaba don lang ia ka jaka bam ne Restaurant kaba la ai kyrteng ka The Yeastern Civilisation (TYC) kaba don ha Laitumkhrah, Shillong.
Kane ka jaka bam kaba donlang bad ka jaka dih kyiad, kan plie lad ia ki paidbah ban mad ia ka Beer kaba la shna hi da kaba pyndonkam ia ki jingdonkam kiba la pynmih na ka jylla.
U Myntri Rangbah ula ong ba kane ka sienjam kadei ka projek kaba kham pher.
“Ka long kaba sngewsarong ban iohi ba ki nongseng kam kiba dang khynnah kila sdang ia ki projek kiba thymmai bad ban leh ia kaei kaei kaba ym pat ju don kiban leh mynshwa” ong u Conrad.
Ula ong, ba kane ka jaka kan plie lad ia ki nongjngohkai ban ioh mad iaka Beer kaba la shna hi lyngba u sohtrun, sohniamtra bad kiwei kiwei kiba la pynmih hi da ki trai jylla.
Katba u Myntri ka tnad Excise u Bah Kyrmen Shylla ula ong, ba kane ka jaka kaba thymmai kan aikam aijam ia ki samla.
“Ngi ngeit skhem ha kaban ai jingkyrshan ia ka imlang sahlang da kaba iarap bad pyndonbynta lang ia ki nongrep bad ki nongkhaii kaban long ka jingplie lad ia ka jylla” ula ong.
 kaba don ha Laitumkhrah, Shillong.){kind=link}