Shillong, Rymphang 20: U Myntri ka Tnad ialehkai ka Jylla Bah Shakliar Warjri ula plie hynne ka sngi Ba-ar ia ka lympung ialehkai Khelo India University Games (KIUG) 2024 ha SAI NEHU Campus Shillong.
Haba kren ha kane ka sngi, u Myntri ula ong baka Sorkar Jylla kala iatreilang bad ka Sorkar Pdeng ban kyntiew iaka kam ialehkai hapoh ka Ri.
U Bah Shakliar ula ong baka Khelo India University Games 2024 ka dei naka bynta ban kyntiew iaka kam ialehkai hapoh ka Jylla bad ka Ri bad ula ong baka Meghalaya kala pyrshang ban kyntiew ia ka kam ialehkai hapdeng ki samla daka ba pynlong bun jait ki jingiakop bad ha kawei ka sngi ka Jylla kan sa iohi ia ki samla ba kin tyngshain.
Ula ong ba ki samla ka Ri ki don bun ki sap bad u kyrmen ba ha kawei ka sngi, ki nongialehkai kiba shim bynta ha ki bun jait ki jingialehkai kin ioh ban mih khmat iala ki Jylla bad iaka Ri.
Ha kane ka sngi u Bah Shakliar ula ong ba ki don kumba 33 tylli ki Universities ki ban shim bynta haka Khelo India University Games 2024 hapoh ka Jylla.
Ula ong kitbok iaki nongialehkai bad ula kyntu iaki ban shim kabu ia kane ka lad daka ba shaniah ha lade namar ka jingshaniah ha lade, ha kawei ka sngi yn sa lah ban ioh kheit ia u soh ka jingjop ha kawei ka sngi.
Ula ong ba ka jingim ka long ka jinghikai man ka sngi bad namar kata donkam ban trei shitom bad ha kawei ka sngi yn sa poi shaka thong.
 2023 ha SAI NEHU Campus Shillong.){kind=link}