Shillong, Naiwieng 09 : U Myntri ka Tnad ka Koit ka Khiah James K Sangma hynnin ka sngi ula plie paidbah ia ka Chief Minister Youth Centre (CMYC) ha Dadenggre ha ka jingiadon ryngkat ki paid nongshongshnong bad ki khynnah skulk a thain.
Kane ka jingialang ot ribon ka kynthup ruh ia artylli ki jingpynbyrngia na ka bynta ki samla jong ka thain da ka jingpynlong ia ka jingiakop dro jingdra bad ka iakop rwai.
Haba kren bad ka jingialang, u James ula pynpaw ia ka jingkmen ban ioh plie ia ka CM Youth Centre bad ban jur ia ka jingdonkam ban pynbun ia kum kine ki jaka hapoh ka Jylla.
“Ka CM Youth Centre ka dei kaba la pynwandur ban ai ha ki samla ka Jylla ia ka rynsan ba laitluid bad ba shngain ba kin lah ban nang kyntiew iala ka jong ka sap ka phong” ula ong
Haba kren halor ka jingdon jong ki samla ha Jylla ia kaba u ong ba haduh 73% na ki nongshongshnong ka Jylla ki dei kiba dang samla, u James ula ong “Ki samla ki dei ki spah bah bad ngi kwah ban pynkupbor ia ki da ka jingplie ia ki lad ki lynti ba kin lah ban paw shakhmat ha kane ka pyrthei ka jingiakhun”.
Bun ngut ki Khynnah skul na ki san tyli ki skul ka thain Dadenggre kila iashimbynta ha ka jingiakop rwai bad ka skul Little Flower Higher Secondary School kala ioh khur ia ka nam jop. Ha ka jingiakop dro dur, u Sanreyo M Marak ula wan ba nyngkong.
Ka CMYC ha Dadenggre ka dei ka Centre kaba hynriew bala plie ha West Garo Hills watla ka dei ka Centre ba nyngkong ban da pynlong ia ka jingialang ot ribbon kaba heh.
