Shillong, Nailar 21: U Director ka Tnad Sports and Youth Affairs ka jylla u DD Shira ha ka sngi Palei, ula plie ia ka State Level Awareness Program on Sport Climbing and Adventure Activities 2025, kaba la pynlong da ka Meghalaya Sport Climbing and Mountaineering Association ryngkat ka jingiatreilang bad ka Eastern Command Sport Climbing Node, ha 58 Gorkha Training Centre (GTC), Happy Valley.
U D.D. Shira ula plie ia kane ka jingialang kum u kongsan ha ka jingdonlang u Brig. Joe Sabby u Commandant jongka 58 GTC kum u kongsan symbud bad u Bah Finely Pariat u General Secretary ka Meghalaya State Olympic Association.
Kawei na kiba kongsan ha kane ka sngi, kadei ka jingbuh ia ka Climbing Wall hapoh ka Centre kaba la pynwandur na ka bynta ban pynialehkai ia ki 3 tylli ki jait jingialehkai kiba kynthup ia ka Bouldering, Lead bad Speed Climbing.
La khmih lynti ba lyngba ka jingai jinghikai kan iarap ha kaban pynsngewthuh, ban pynshlur ia ka jingiashimbynta bad ban pynshlur ia ki khynnah ban ialehkai ia ka Sport Climbing.
Ha kane ka prokram kila don 96 ngut ki nongiashimbynta kiba la wan na ki 10 tylli ki district jong ka Meghalaya, kaba kynthup ia ka Garo Hills, Jaintia Hills, Ri-Bhoi, West Khasi Hills bad East Khasi Hills. Nalor kane, ki khynnah skul jong ka Army Public School, Happy Valley kila wan ban iashimbynta ha kane ka jingialang ban sakhi ia ka rukom pyni ia ka rukom ialehkai ia ka Sports Climbing kaba la leh da ka kynhun jong ka Eastern Command.
, Happy Valley.){kind=link}