Shillong, Nohprah 02 : U Myntri Rangbah ka Jylla Conrad K Sangma hynne ka sngi thohdieng, ula plie ia ka General Nursing and Midwifery (GNM) School, ha Pahamsyiem, Nongpoh, Ri-Bhoi District.
I encourage those pursuing the nursing courses to learn other languages so that they can also explore career options abroad.
I wish the faculty, staff and students of the GNM School of Nursing, Nongpoh the very best!
— Conrad Sangma (@SangmaConrad) December 2, 2022
Haba kren ha ka jingialang, u Myntri Rangbah ula ong ba ka Sorkar kala kynshew bha ha ka kam ka koit ka khiah ban pynthikna ia ki jaka ai jingsumar kiba paka ha ka Jylla.
Ula ong ba ka Jylla kala mad ia shibun ki jingtynjuh ha kine ki arsnem namar ka khlam Covid-19 bad ka hap ban pynkhreh lypa ia kum kine ki juh ki jingjia ha ki pir ban wan.
“Namar kata, ka Sorkar kala shim ia ka sienjam ban pynkhlain ia ki jaka ai jingsumar bad ban pynthikna ia ka jingshakri kaba kham bha” ula ong.
“Kum ka sorkar, ngi lah pynlut bun bha sha ki jaka ai jingsumar. Ha ka Ri hi baroh kawei, ngi wan ha ka kyrdan kaba saw haba iadei bad ka percentage jong ka GDP ba pynlut ha ka kam ka koit ka khiah. Ngi la pynleit jingmut bha sha ka koit ka khiah bad kane kala nang kiew hadien jong ka Covid” ula bynrap.
Ula pyntip ha ka jingialang ba bun ki Sub Centre bad ki PHC la dep ban kyntiew kyrdan nalor ka jingshna ia kiwei pat ki jaka ai jingsumar ha ki jaka nongkyndong jong ka Jylla.
“Ngi la sngewthuh mynta ba katno ka jingdonkam ha ka liang ka koit ka khiah la ka dei ha ki jingtei, ki nongtrei lane ki kor ki bor. Namar kata, ka long kaba donkam ban kynshew bun ha ka koit ka khiah bad kane ka mut baroh naduh ka jingshna ia ki PHC bad Sub Centre bad pynthikna ia ka jingdon ki nongtrei bala dep pyntbit khnang ba ngin lah ban ai ka jingshakri kaba bha tam sha ki paidbah” ula ong.
U Myntri Rangbah ula bynrap baka Jylla kam dei kaba bun paid eh hynrei ka jingeh ka long n aka jinglong jingman jong ki jaka ha kaba palat 6500 tylli ki shnong ha Jylla ki donkam ia ki jaka sumar ka Sorkar, jaka pule puthi bad kiwei kiwei.
