Shillong Naiwieng 24: Ka Tri Hills Ensemble Festival ka Baar, kala sdnag hynne ka sngi Thohdieng ha kaba la pyninam ia ka jingriewspah jong ki jaidbynriew Khasi bad Garo ha ka liang ka kolshor, ka riti ka dustur tynrai bad kiwei kiwei bad ia kane ka tamasa kaba la long ha Soso Tham Auditorium la plie da u Myntri Rangbah ka jylla u Conrad K Sangma bad u Myntri ka kam jngohkai u Bah Paul Lyngdoh.
Ha kane ka sngi sdang jong ka tamasa la pyninam ia ka jingriewspah jong ki riewlum Khasi, Jaintia bad ki Garo ha kaba iadei bad ka kolshor, ki jingbam tynrai, ki tiar tynrai bad kane ka tamasa kadei ruh kum shi bynta jong ka jingrakhe ia ka Jan Jatiya Gaurav Diwas kaban long ha ka Sngi Thohdieng bad Sngi Saitjain.
Ha kane ka tamasa kala don ruh ka prokram halor ka kolshor lyngba ki jingshad ia kaba ym ju pat pyni satia ia kum kitei ki shad kiba kyrpang jong ki riewlum ha ki rynsan paidbah bad ha kane ka prokram kan kynthup ruh iaka jingpyni shaphang u Khla Wait u Tirot Sing Syiem lyngba ki jingak ryngkat bad ki sur jingrwai.
Ka Tri Hills kadei kaba kynthup ia ki lai tylli ki riewlum jong ka jylla kiba kynthup ia ki Khasi, Jaintia bad ki Garo, ia kaba kila ngam jylliew bha ka jingiadei bad ka mei mariang, kaba don jingiadei bad ka kolshor bad ka jingthmu jong kane ka tamasa ka long ban wanrah ia ka jinglong kyrpang jong kine ki 3 tylli ki riewlum ha kawei ka rynsan khnang ba ki paidbah kin ioh ban sakhi ia ka jingriewspah ha kaba iadei bad ka kolshor bad kiwei kiwei.
Ha kane ka tamasa la buh ia ki dukan ia kaba la pyninam ia ki jingbam bad ki jingdih tynrai, ki tiar ki tar tynrai jong ki riewlum kiba la shna bad kiba thain bad kiwei kiwei.
