Shillong, Naitung 19 : U Myntri Rangbah ka Jylla ula plie paidbah ia ka Operation Theatre Complex jong ka Bhoirymbong Community Health Centre ha ka jingialang ba long ha ka sngi Palei.
Haba ai jingkren, u Myntri Rangbah ula ong “Kane ka dei ka Operation Theater ba kham pher bala don hangne. Ka thong jong ngi ka long ban don ia ki OT ha manla ki CHC hapoh ka Jylla khnang ba ki paidbah ki lah ban pyndonkam ia kane kum ka jaka sumar ba nyngkong (first referral) bad ban iada ia ka jingim, khamtam ki Longkmie kiba donkam kyrkieh ia ka caesarean (puid) bad kiwei kiwei ki jingdonkam”.
Ula ong ruh ba ka dei ka plan jong ka Sorkar ban don ia kum kine ki OT ha man ki CHC ba don hapoh ka Jylla bad ban thung ruh ia ki briew ki ban pyniaid ia kine ki OT.
Haba phai sha ka jingai jinghikai, ula ong “Ngi la ai jinghikai ruh iaki nongtrei khnang ba ynda la pyndait ia kine ki tiar sumar, kan long ka jingiarap bad jingmyntoi ia ki nongshongshnong, khamtam ia kito kiba im sha ki jaka nongkyndong”.
“Nga ai khublei biang ia baroh ki nongtrei ka koit ka khiah namar ka jingshimkhia ban wanrah ia ka OT ha kane ka thain jong ka Jylla” ula ong.
Ha kane ka sngi, la iadonlang ruh ki Heh Ophisar jong ka Tnad ka Koit ka Khiah.
 bad ban iada ia ka jingim, khamtam ki Longkmie kiba donkam kyrkieh ia ka caesarean (puid) bad kiwei kiwei ki jingdonkam”.){kind=link}