Shillong, K’lyngkot 15 : U Myntri Rangbah ka Jylla Conrad K Sangma ha ka sngi saitjain, ula plie ia ka Ophis treikam ba thymmai jong ka kompani Medusind ha Shillong ha ka jingiadon ryngkat ka Kranti Munje, CHRO bad u Ninad Chavda uba dei u CEO ka kompani.
The Shillong IT Park is blossoming in line with our vision and is creating opportunities for our youth to pursue employment in the state. We will expand the Shillong IT Park to bring in more such companies for the benefit of our people. pic.twitter.com/xgSYxEPwSj
— Conrad Sangma (@SangmaConrad) January 14, 2023
Haba iaroh ia ka kompani halor ka jingplie ia ki lad ki lynti ia ki nongshongshnong ka Shillong bad ka Jylla baroh kawei, u Conrad ula ban jur halor ka jingdonkam ban wan kham bun ki kompani kumka Medusind ban buh ia ka Ophis ha Shillong khnang ba ki samla kin lah ban iohkam hala ka jong ka Jylla.
Ka Medusind ka dei ka kompani IT bad ITES Healthcare kaba don ia ka Headquarter ha United States. Ka don ia ki Ophis treikam ha kylleng ka Ri India bad ha USA bad don palat 4000 ngut ki Nongtrei ha man la ki Ophis.
Ka rai ban plie ia ka Ophis ha Shillong ka dei kaba la khring na ka jingdon bun ki Nongtrei na ka thain Shatei Lam Mihngi bad ruh halor ka jingbuh thong ban khring ia ki trai shnong kiba don ka sap treikam haba ailad ruh ia ki Nongtrei ba na Shillong ba kin don bad trei hala ka jong ka jaka.
Ka CHRO, Kranti Munje kala ong “Ngi da kmen palat ban lah plie ia ka Ophis jong ngi ha Shillong bad ban ai ia ki nongtrei jong ngi ia ki jingdonkam ba ki donkam ba kin paw ha ki kam ba ki trei. Ngi la iohi ia shibun ki sap ha ka thain Shatei Lam Mihngi bad ngi sngewkmen ban iadon bynta lang ha ka imlang sahlang ka thain”.
