Shillong, Naiwieng 08 : U Myntri Rangbah ka Jylla Conrad K Snagma, ha ka sngi Saitjain, ula plie ia ka Ophis building ba thymmai jong ka Meghalaya Public Service Commission (MPSC) ha Dakopge, Tura, West Garo Hills.
Haba ai jingkren, u Myntri Rangbah ula ong ba kane ka Ophis ka MPSC kan ai jingmyntoi bha ia ki samla ka ri-lum Garo, kiba ju hap ban leit haduh 10-15 kynta sha Shillong, ban iakhun ia ki eksamin.
“Bun kiba poi hapdeng ka jingthait bad hap leit beit beit ban thok eksam khlem ka jingpynjah thait. Da kane ka Ophis, ki samla pule ki lah ban iakhun ia ka eksam bad interview hangne hi ha Tura” ula ong.
Ula ong ba ka jinghap iaid ia ka lynti kaba jngai bad khlemka jingpynjah thait ka ktah ia ka jinglah lehbha jong ki kyrtong kiba iakhun ia ka eksam bad kane kala buh ha ka jingeh kaba khraw ia ki nongiakhun kam na Tura bad kiwei pat ki jaka jong ka Jylla.
Kane ka dei kawei na ki Ophis ba donkam bha ia kaban plie paidbah bad ka jingpynmyntoi jong kane ka Ophis ia ki samla bad ka lawei ka ri-lim Garo kan long kaba bun bha bad nga da sngewhun shisha ban plie ia kane ka Ophis mynta ka sngi” ula ong.
U Myntri Rangbah ula pynbna ba ka eksam ba nyngkong jong ka MPSC ha Tura kan long ha ka 14 tarik Naiwieng 2025, ka ban long ka lynnong ba thymmai ha ka ban pynioh ia ka lad kaba kham suk ia baroh ha ka jingiakhun ban rung kam Sorkar. U la pynbna ruh ba ka Sorkar ka don jingtmu ban plie ka kane ka Ophis ha Ri-lm Jaintia khnang ban pynioh lem ia kajuh ka lad ia baroh.
Kiwei pat kiba la ai jingkren ki kynthup ia u Lamphang ka IIngdorbar Thaw Ain ka Jylla Thomas A Sangma bad kiba la iadon lang ki kynthup ia u Deputy Commissioner ka West Garo Hills Vibhor Agarwal, Abraham T. Momin, Chairman, Tura bad ki Ophisar ka Meghalaya Public Service Commission lem bad kiwei kiwei.
 ha Dakopge, Tura, West Garo Hills.){kind=link}