Shillong, Naiwieng 4: U Myntri Rangbah ka jylla Conrad K Sangma hynne ka sngi thohdieng ula plie pyrda ia ka jingrakhe dap 100 snem jong ka Dr H Gordon Roberts Hospital ha ka jingialang bala pynlong hapoh ka hospital ha ka jingiadon ryngkat u Symbud Myntri Rangbah Bah Prestone Tynsong.
The General Body of the Hospital had approached me for sanction for the extension of their Annexe building. Today I handed over the sanction letter of ₹20 Lakhs for the same. pic.twitter.com/oMlYCosNjd
— Conrad Sangma (@SangmaConrad) November 4, 2022
Haba ai jingkren, u Myntri Rangbah ula ai khublei ia ka hospital kaba la kynjoh ia une u mawmer bad ong ba kane ka jingrakhe ka long ruh ka por ban ithuh bad ai khublei ia ka jing shakri jong u Dr H Gordon Roberts uba la wanpoi ha Shillong ha u snem 1913 bad sdang ia ka dispensary ha Mission Compound, Shillong.
“Ngi phai dien biang sha ka rukom ba ka Dr H Gordon Robert Hospital kala synniang ia ka imlang sahlang jong ngi bad na ka bynga ki paidbah ka Jylla, nga ai khublei ia baroh ko nongtrei naduh kiba rim haduh kiba mynta namar ka jingsynniang ka bym kai shuh” ula ong.
U Myntri Rangbah ula pynkynmaw biang ia ki sngi ba wan lynshop ka khlam Covid bad pynpaw ia ka jingsngewnguh ia ka hospital halor ka bynta ba kongsan eh ba kala shim ha ka por jong ka khlam. Ula pyntip ruh ba ka lad jingsumar ka dei kawei na ki mat ba hakhmah bala buh da ka sorkar jylla.
“Ka koit ka khiah ka dei ka kam ba hakhmat eh jong ka sorkar bad ngi phaikhmat ban iatrei ryngkat bad ki hospital khnang ba ki paidbah kin ioh ia ki lad jingsumar”, ula ong.
“u Myntri Rangbah ula kyntu ia ka hospital ban iai bteng ia ka mission halor ka nongrim jong ka jingshakri u Dr H Gordon Robert da ka jingieid, jingsngewjan bad jingsngewrit ia ki paid nongpang.
Shuwa kane u Myntri Rangbah ula pynher ia ka lama dap 100 snem.
Ka hospital ka don mynta haduh 350 jjngthiah ha ryngkat ka tnad Accident & Emergency, General Medicine, Obstetrics & Gynae, Psychiatry, Orthopedics, Child Health, Child Development Unit, Pediatric Surgery, Anesthesiology, Dental, Ophthalmology bad super speciality ba 24 kynta.
Ka Hospital ka don ruh ia ka college of Nursing bala pyniasoh bad ka North Eastern Hill University.
