Chokpot, Naiwieng 09: U Myntri Rangbah ka Jylla u Conrad K. Sangma ha ka sngi u Blei ula plie ia ka Chokpot Farmers’ Market ha South Garo Hills, ka jingtei kaba la pynlut T.9.26 Klur da ka jingthmu ban pynbiang ia ki jaka shongdie jongdie kiba biang na ka bynta palat 3000 ngut ki nongrep ka thaiñ.
Ia kane ka iew la tei da ka District Rural Development Agency (DRDA), South Garo Hills bad kan pynbiang ia ka jaka ban die jingdie na ka bynta ki nongrep kiba die ia ki jhur ki jhep, ki soh ki pai, ki musli musla bad ki marrep ki bym pyndonkam dawai ne Organic.
U Sangma ula ong ba kane ka jingtei kan iarap ia ki nongrep ban ioh ia ki lad kiba biang ha kaba iadei bad ka iew ka hat bad ban thaw ia ki kabu kiba biang na ka bynta ki nongrep.
La khmih lynti ba kane ka iew kan pyniasoh lang bad ka Farmer Producer Organisation (FPO), Farmer Producer Company (FPC) bad ki skhim ba kongsan ha ka rep ka riang ban pynbha ia ki lad pyniasoh ha ki iew ki hat bad ban kyrshan ia ki kam rep kam riang ha ka thain.
Pleased to inaugurate the Chokpot Farmers’ Market, developed at a cost of ₹9.26 Crore to be implemented by DRDA, South Garo Hills District.
The market will provide organised selling spaces for over 3,000 farmers, helping them access better markets for their vegetables, fruits, spices and organic produce.
With linkages to FPOs, FPCs and key agricultural schemes, the facility will strengthen market access, support local livelihoods and create better opportunities for our farming community. Dedicate it to the prosperity of our farmers.
@ChouhanShivraj @AgriGoI
— Conrad K Sangma (@SangmaConrad) November 9, 2026
Kane ka jingplie kala wan haba ka sorkar jylla kala bteng ban pynleit jingmut ha kaban pynkhlaiñ ia ki jingtei ha ki thaiñ nongkyndong bad ban wanrah ia ka jingiajan ia ka kam ai jingshakri ka sorkar bad ia ki kam pynroi sha ki paitbah, khamtam ha nongkyndong bad ha ki thaiñ khappud.
U Sangma ula batai ruh ba ka jingshna pynbha ia ki Block Office ha kylleng ka Meghalaya ha kine ki 8 snem kiba la dep bad ka pynpaw ba kane ka jingkyntiew ia ki jingtei kadei ka sienjam kaba kongsan ha kaban pynbha ia ka rukom synshar bad ka jingai jingshakri ia ki paitbah.
Ka Chokpot Farmers’ Market kadei kaba la khmih ban pynbiang ia ka rynsan kaba paka ia ki nongrep ka thaiñ ban die ia ki marrep bad ban plie lad ban don ia ki iew ki hat kiba biang bad ryntih.
