Shillong, Nohprah 22: U Myntri Rangbah ka jylla Conrad K Sangma hynne ka sngi Palei ula plie iaka GIS & UAV Centre kaba don ha Secretariat Shillong.
Drone Technology has assisted GoM to conduct aerial mapping of locations, transport medical supplies, aerial spraying of fertilisers, etc. This cutting edge technology can be a game changer in development
Glad to inaugurate the Meghalaya GIS & UAV Center@JM_Scindia @MoCA_GoI pic.twitter.com/VzBTKWvV9u
— Conrad Sangma (@SangmaConrad) December 22, 2022
U Conrad Sangma ula ong ba ka jingdon jong kane ka Centre kan long ka jingmyntoi iaka jylla da ka jingpyndonkam iaki kor ki bor kiba thymmai, ki dur kidar na Satellite, ki Drone bad kiwei kiwei na ka bynta ban ioh ia ki jingtip kiba bniah ha kiba bun ki liang khnang ba ka sorkar kan lah ban ai ia ka jingshakri kaba kham bha bad ban peit bniah iaka jingpyntreikam iaki skhim ha kylleng ki District jong ka jylla.
Ula ong kane ka tnad kan pyndonkam iaki Drone ban peit iaka jingdheng kali bad ki pulit ki lah ban peit ia kine ki video ha kaba iadei bad kanjingdheng kali bad wat ha ka por ba don ka jingbym shongsuk shongsain, ka jingshlei um.
Ula ong ba ka jingpyndonkam iaki Drone kan long kaba ai jingmyntoi bha iaka sorkar jylla ha kaban shim ia kino kino ki rai kiba kongsan.
U Conrad ula ong, kane ka centre kan ai jinghikai ruh iaki samla ka jylla ba kin pyntbit ialade ha kaban pyndonkam iaki Drone bad ban leh iaka Mapping bad kane ka centre kan donkam iaki samla ha katei ka bynta.
