Tura, K’lyngkot 04 : U Myntri Rangbah ka Jylla Conrad K Sangma hynne ka sngi Balang, ula plie paidbah ia ka Ganol Hydro Power Project ba 22.5 MW hajan Tura, West Garo Hills ha ka jingiadon ryngkat u Symbud Myntri Rangbah ka Jylla Bah Prestone Tynsong bad u Myntri ka tnad ka Koit ka Khiah James K Sangma.
Power generation has been an hurdle in Garo Hills region especially during dry winter months. The commissioning of the Ganol Hydro Power Project will largely meet the peak electricity demands and is a step closer towards self sufficiency in power generation pic.twitter.com/8gZWZ4wLWF
— Conrad Sangma (@SangmaConrad) January 4, 2023
Haba niew ia kane ka jingplie paidbah ia ka project kum ka sngi sah jingkynmaw jong ka Ri-lum Garo, u Myntri Rangbah ula ong ba kane ka project ba palat T. 560 klur ka dei kaba la pyndep da ka jingshimkhia jong kane ka sorkar ba mynta kaba la shimkhia ban buh ia ka ri-lum Garo haka map pynmih bording hapoh ka Ri.
U Myntri Rangbah ula iaroh ruh ia u James K Sangma namar ha ka por jong u kum u Myntri kam bording, ula pynkhie im pat ia kane ka project ban pynthikna ba kan long kaba dep bad ba pynmih bording. “Kumba ai jingmut da u James K Sangma, ka Sorkar kala rai ban pyllait ia ka pisa ban pyndep ia ka project” ula ong.
“Ka Ganol Project ka dei kaba la jan pynduh pyndam, ka Sorkar kala kynshew pisa hynrei namar ka jingduna pisa, ym shym la lah ban pyndep ia ka. Dei ha u 2018, hadien ba kane ka sorkar kala shimti ia ka synshar khadaar, kala pynthikna ban pynioh ia ka pisa ha kaban pynsdang treikam biang ia ka project. Kane ka project ka dei kaba la buh maw nongrim ha u snem 2014”.
U Conrad ula ong ba ka Sorkar kala iatyngkhuh ia ki jingeh ban pyndep ia kane ka project hynrei da ka jingmut kaba skhem, ka Sorkar kala tynrong ia ka jingkitkhlieh ban pyndep ia ka project. Ula ong ba da ka jingpynthikna ban pyndep ia ka project, ka Sorkar kala pyni ia ki paidbah ka Ri-lum Garo ba kane ka Sorkar ka don ia ka mynsiem ban wanrah bad pynurlong ia ki project kiba heh na ka bynta ka jingmyntoi jong ki paidbah bad ka Jylla baroh kawei.
U Conrad ula ong ba kane ka project kan iarap shikatdei eh ban pynioh tam ia ka jingdonkam bording jong ka Ri-lum Garo. Ula ong ba ka thain ka dang donkam shuh shuh ia kum kine ki project bad ka sorkar ka la kut jingmut ban wanrah ia ki project ha ki snem ban dang wan.
Ka Jylla mynta ka donkamhaduh 380 MW ka bording.
U Myntri Rangbah ula ai jingiaroh ruh ia u Symbud Myntri Rangbah Bah Prestone Tynsong bad ka Tnad Bording baroh kawei halor ka jingshimkhia ban pynthikna ba kane ka project kan dep hapoh ka por kaba la buh.
