Nongstoiñ, K’lyngkot 17:U Myntri Rangbah ka jylla Conrad K Sangma hynne ka sngi ula leit ban plie ia ka ïing skul ba thymmai jong ka Sib Singh Memorial Government Higher Secondary Nongstoiñ, kaba la tei ha ka jinglut ba T. 4.47 klur.
The upgradation of the school was finished in 11 months! Must congratulate the contractors and the Department for making this possible for our students of Sib Sing Govt. Hr. Sec. School that has served Nongstoin for over 60 years.
— Conrad Sangma (@SangmaConrad) January 17, 2023
Kiba la iadonlang ki kynthup ia u MLA ka Nongstoiñ Bah Macmillan Byrsat, u Commissioner and ka tnad pule puthi, B. D.R Tiwari, IAS, Bah A.L Syiem Joint Secretary ka Shnong Mawkhlam-Nongpyndeng, I Principal jong katei ka skul, ki nonghikai, ki khynnah skul bad ki riew paidbah kiba la wan ban sakhi ha katei ka sngi.
Haba kren ha ka jingïalang,u Conrad u la ong ba naduh ba ka MDA ka la shimti ïa ka sorkar ha u 2018, u la buh ïa ka thong ban khmih kyrpang ïa ki samla. Hynrei, nalor kiba bun ki kam na ka bynta ki samla, kum ka sorkar ki sngewthuh ba donkam ruh ban buh ruh ïa ka pule puthi hakhmat.
Namar kata, ka pule puthi ka dei kawei na ki bynta ban kyntiew ïa ka lawei ba phyrnai jong ki samla ka Jylla bad kala rah ïa ka puthi puthi sha kawei pat ka kyrdan ba kham sha jrong.
U la ong, “Kane ka dang dei tang ka ïing kumba ka long mynta, hynrei lah ban pynkylla long ïa ka, ka jaka pule lane ka ïing ba kyntang ban ai jingnang jingtip da kito kiba trei hangne, kiba hikai hangne bad kiba pule hangne. Ka shong ha phi ki nongkyrshan, ki nonghikai bad ki khynnah skul kumno ban pynkylla long ïa ka kum ka shlem saiñ dur ïa ka jingnang jingstad”.
U Myntri Rangbah u la ai ruh ka jingïaroh ïa u MLA ka Nongstoiñ, ba dei na ka jinglah jong u ban pynïaid shaphrang ïa ki kam ki jam, ba sa ïohi ïa kine kiei kiei baroh ba ki wan jia bad urlong hapoh kane ka thaiñ. U la ong ba kane ka skul ruh kan ym urlong, lada ym dei na ka jingtuklar jong MLA Nongstoiñ, u ba la shimkhia.
U Bah Macmillan Byrsat u la ong ba naduh ba um pat long u nongmihkhmat, u la ju trei na ka bynta ka dong ka thaiñ bad lada long nongmihkhmat ne ym long nongmihkhmat ruh, u don ka jingkitkhlieh ba kyrpang na ka bynta ka thaiñ bad u aiti ruh ïalade na ka bynta ka roi ka par jong ka Nongstoiñ.
U Bah Macmillan u la pynpaw ruh ba kane ka sngi, ka dei ka sngi sah kynmaw ha ka history jong ka skul, namar hadien da ki phew tylli ki snem ba ka la sah khunswet, mynta ka kynti la lah ban ïoh ïa ka building kaba thymmai kaba la long shisha ka jingkyrkhu kaba khraw.
