New Delhi, Naiwieng 14: U Executive Chairman ka Meghalaya State Investment Promotion Board (MSIPB) ka sorkar jylla u R. M. Mishra, hynne ka sngi ula plie ia ka Meghalaya Pavilion ha ka 43rd India International Trade Fair (IITF) kaba la long ha Bharat Mandapam, New Delhi.
Ia katei ka IITF la pynlong da ka India Trade Promotion Organisation (ITPO) kaba la sdang naduh ka 14 tarik bad kan kut ha ka 27 tarik u Naiwieng 2024.
Ka phangpdeng jong ka IITF mynta ka snem ka long “Viksit Bharat @2047”, kaba iaid ryngkat bad ka jingiohi jngai jong ka ri ban pynlong ia ka ri ban kiew shaphrang, ban pynpaw iaka jingkiew, ki kam kiba la lah ban leh thymmai bad iaka jingriewspah ha ka kolshor.
Ki tnad sorkar kiba la mihkhmat ia ka jylla Meghalaya ha ka IITF, ki kynthup ia ka tnad Tourism, Commerce and Industries, Meghalayan Age bad Directorate of Information and Public Relations kum ka Nodal Department.
Nalor jong ki tnad sorkar, kila don ruh 8 tylli ki kynhun kiba la kyrshan da ka Directorate of Commerce and Industries ia kaba la shim na kylleng ki bynta jong ka jylla ban iashimbynta ha katei ka IITF ban pyninam ia ki mar bad ia ki jingshna tynrai ki bapher bapher.
 ka sorkar jylla u R. M. Mishra, hynne ka sngi ula plie ia ka Meghalaya Pavilion ha ka 43rd India International Trade Fair (IITF) kaba la long ha Bharat Mandapam, New Delhi.){kind=link}