Shillong, Nailar 29: Haka sien leit iuhkjat ba nyngkong ha Ri-Lum Garo, u Myntri ka Tnad Animal Husbandry & Veterinary bah A.L Hek hynne ka sngi Ba-ar, ula plie paidbah iaka Milk Parlour kaba la bei tyngka lyngba ka Meghalaya Milk Mission & National Programme for Dairy Development ha New Dairy Complex, Ganol.
Ha kane ka sngi u bah Hek ula plie ruh iaka Worker’s Amenity Block bala bei tyngka daka National Programme for Dairy Development, West Garo Hills ha kane ka juh ka jaka.
Ha kane ka jingleit jurip iaka thain Garo, u bah Hek ula lum bun tylli ki jingialang ban iathir bad ki heh ophsiar ka tnat halor ki sienjam ba ka tnat kala shim naka bynta ban kyntiew iaka kam ri jingri hapoh ka thain.
Ki ophisar ka tnat kila pynsngew halor ki jingeh ba ki kynduh haba iadei bad ka jingpyntyllun iaki kam jong ka tnat hapoh ka thain Garo hills bad ha kane ka juh ka sngi ula jurip ruh iaki jaka ri jingri jong ka sorkar bad jong ki riewshimet.
Ha kane ka jingleit jurip la don lang u Secretary ka tnat AH & Veterinary u Dr. C Manjunathan, IFS, West Garo Hills Deputy Commissioner u J. Chelani, IAS, Rongram BDO u T.N Sangma, MCS, Director, AH&V, Dr R Ch Momin, AHP, Garo Hills, Dr H K Marak, JD, Assistant Director, Dairy, W Ch Marak lem bad ki ophisar ka tnat A.H. & Veterinary Department.
Ha kane ka sngi u myntri ka tnat Animal Husbandry & Veterinary Minister u bah A.L Hek ula aiti ruh ia 2 tylli ki Motorcycles (Arshaka) lyngba ka skhim Rashtriya Gokul Mission (RGM) naka bynta ka wat ba nyngkong jong ka MAITRI’s (Private AI Worker) ban iarap iaki ban pynpoi iaki Artificial Insemination (AI) sha ki ïingsah jong ki nongrep.
Pule lang ia kane: Bthah u CEM ban khynra Trading Licence ia ki Bar Jylla ba die madan ha thain Motphran
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
